76 yaşlı müğənninin "Xalq artisti" fəxri adı ƏLİNDƏN ALINACAQ - FOTO

Alla Puqaçova SSRİ xalq artisti fəxri adından yalnız mövcud cinayət qanunvericiliyinin pozulması faktları aşkar edilərsə, məhrum edilə bilər.

Publika.az xəbər verir ki, bunu “Podyom” "Telegram" kanalına Rusiya Dövlət Dumasının deputatı Aleksandr Şoloxov deyib.

"Belə bir ehtimal var, ancaq şəxsin ağır və ya xüsusilə ağır cinayətlər törətdiyinə görə məsuliyyətə cəlb olunduğu hallarda bu mümkündür", - deyə deputat izah edib.

Deputatın sözlərinə görə, məhkəmənin qərarı olarsa, vətəndaş sovet dövründən qalma dövlət mükafatlarından məhrum edilə bilər. Şoloxov qeyd edib ki, o, Puqaçovanın fəxri adından məhrum edilməsi ilə bağlı petisiyanı dəstəkləyir, çünki 76 yaşlı müğənni mənəvi və əxlaqi baxımdan artıq Rusiya vətəndaşı kimi tanınmır.

Qeyd edək ki, müzakirə Puqaçovanın 2025-ci il sentyabrın 10-da Cövhər Dudayevi "layiqli və ağıllı" insan kimi təsvir etdiyi müsahibəsi ilə alovlanıb. Bunun ardınca “Təhlükəsizlik və Korrupsiyaya Qarşı Mübarizə üzrə Federal Layihə” ictimai hərəkatı Rusiya prezidenti Vladimir Putinə petisiya göndərərək müğənninin titulundan məhrum edilməsini tələb edib.

Dumanın Mədəniyyət Komitəsi istisna etməyib ki, Puqaçovanın Dudayevlə bağlı açıqlamaları Rusiya Cinayət Məcəlləsinin 205.2-ci “Terror fəaliyyətinə açıq çağırışlar, terrorçuluğa ictimai bəraət qazandırmaq və ya terrorizmin təbliği” maddəsi ilə cinayət tərkibi yarada bilər. Sənətçi həm də dövlət orqanlarını, silahlı qüvvələri və ölkənin xarici siyasətini nüfuzdan salmaqda ittiham olunur.

Adəm