Vəfa şəxsi həyatından danışdı: "Onunla toyum olub"

Müğənni Vəfa Şərifova qatıldığı "Rəngarəng" verilişində şəxsi həyatı ilə bağlı uzun müddətdir müzakirə olunan məsələyə ilk dəfə münasibət bildirib.

Publika.az xəbər verir ki, o, toyunun olub-olmaması ilə bağlı yayılan söz-söhbətlərdən danışaraq keçmiş münasibətlər barədə açıqlama vermək istəmədiyini vurğulayıb.

Müğənni bildirib ki, bu mövzu ətrafında deyilənlər onun üçün əhəmiyyət daşımır:

"Keçmişdə qalmış, bitmiş münasibətlər barədə danışmaq istəmirəm. Deyirlər toyum olmayıb - nə olsun? Əsas olan qohumlarım, övladlarım, bacı-qardaşımdır. Lazım olan insanlar, əlbəttə ki, toyumun olduğunu bilirlər. Sənət yoldaşlarımın məni necə tanıması daha önəmlidir. Kiminsə nəsə deməsi mənə təsir etmir. Gələcək arzu və xəyallarımdan danışıram, sonra məni məhkəməyə verirlər".

Vəfa əlavə edib ki, şəxsi həyatı ilə bağlı deyilən sözlərə artıq önəm vermir və diqqətini yalnız sənətinə, gələcək planlarına yönəldib.

Qeyd edək ki, müğənninin bu açıqlaması sosial şəbəkələrdə geniş müzakirələrə səbəb olub.(Milli.az)