Qumraldan sərt mesaj: “Acından ölüb qapına gəlməmişəm”

Müğənni Qumral “Tarixin bir günü” verilişinin canlı efirində səsləndirdiyi açıqlamalarla diqqət çəkib.

Publika.az xəbər verir ki, sənətçi şəxsi həyatı və yaşadığı vəziyyətlərlə bağlı dedikləri ilə geniş müzakirələrə səbəb olub. Qumral bildirib ki, bəzən ən adi davranışlar belə yanlış yozulur. Onun sözlərinə görə, kimsə ilə süfrə arxasında çay içmək belə fərqli mənalara çəkilə bilər.

Müğənni əlavə edib ki, son vaxtlar başına gələn bəzi hadisələri indiyə qədər paylaşmayıb və gələcəkdə də danışmaq niyyətində deyil. O, kimisə alçaltmağın xarakterinə uyğun olmadığını vurğulayıb. Qumral deyib ki, insanlar onu evlərinə dəvət etdikdə bunu sonradan fərqli şəkildə təqdim edirlər, lakin heç kimin acından ölüb getmədiyini qeyd edib.

İfaçı həmçinin bildirib ki, onu tez-tez restoran və digər məkanlara dəvət edirlər və istəsə, istənilən yerdə qonaq ola bilər. Qumral bəzi şəxslərin onun şan-şöhrətindən istifadə etməyə çalışdığını, sonradan isə vəziyyəti başqa cür təqdim etdiklərini deyib.

Açıqlamasının sonunda ifaçı ciddi bir xanım olduğunu, şou ilə şəxsi ruh halını ayırdığını və ruhunu musiqi ilə qidalandırdığını bildirib. Qumralın fikirləri sosial şəbəkələrdə müzakirə olunur.