Tolikdən ekspertlərə sərt sözlər: “Danışığınızı bilin!” - VİDEO

Tarix Əliyev (Tolik) sosial televerilişlərin ekspertlərini hədəfə alıb.

Publika.az xəbər verir ki, o, “Öz aramızda” verilişində bildirib:

“Qızı boşanan biri çıxıb ekspertlik edir, ailə sahibi olmayan adam rayon camaatına məsləhət verir. Alim adını daşıyırsınız, amma danışığınıza fikir vermirsiniz. Mən Türkiyədə görməmişəm ki, alim müğənnilər haqqında danışsın.

Subay insanlarsınız, sizə necə inanım? Danışıq tərzinizi bilmirsiniz. Siz kimsiniz ki, haqqımda fikir bildirirsiniz? Mən rəhbərləriniz haqqında danışmıram. Hansı verilişlərdə nə danışdığınızı da bilirik.

Deyirik ki, bu sahənin adı şou-biznesdir. Bura əyləncə məkanıdır, namus dərsi keçilən yer deyil. Hansısa alim çıxıb Lopez haqqında “efirdən çıxarılsın” demir. Hər sahənin öz qaydası var.

O gün “TikTok”da görürəm ki, bir politoloq deyir: "Zaur Kamalın verilişini bağlamaq laızmdır". Kimlərinsə ünvanına söz atmaq alimə yaraşmaz. Əgər həqiqətən savadlısınızsa, ciddi platformalarda çıxış edin. Bu ölkədə ən asan iş məsləhət verməkdir. Hamı başqasına ağıl öyrədir.

O gün toyda bir nəfər Eltona deyir ki, yaxşı müğənnisən, bir də c**dır mahnı oxuma. Bəyəm “c**dır” alimə yaraşan sözdür?! Ağzınızın danışığını bilmirsiniz, gəlib mənə nə öyrədəcəksiniz?!

Hərə öz sahəsində gözəldir. Musiqiçi musiqi ilə məşğul olmalıdır, alim elmlə. Dövlət də hər şeyi yaxşı bilir. Quru-quru məsləhət verməkdənsə, konkret iş görmək lazımdır!”(“Yeni Sabah”)