Magazin2

Özcan Dəniz, görün kimlə evləndi - FOTO

25 Yanvar 2023 10:46

Məşhur müğənni və aktyor Özcan Dəniz özündən 22 yaş kiçik iranlı dizayner sevgilisi Samar Dadgar ilə münasibətlərini rəsmiləşdirib.

Publika.az Türkiyə mətbuatına istinadən xəbər verir ki, müğənni bu xəbəri bütün yaxınlarına gizli saxlamağı tapşırıb. 50 yaşlı ulduzla 28 yaşlı dizaynerin keçən aylarda qaldıqları evdə səssiz-sədadız rəsmi nikah bağladıqları üzə çıxıb.

Maraqlıdır ki, müğənninin anası verdiyi açıqlamada oğlunun evlənməsinə qarşı çıxmışdı. O, "Oğlumun evlənməsini istəmirəm. Gərək nikah bağlasınlar? Əsas odur ki, könüllər bir olsun. Sevdiyi qız inciyə bilər, amma Özcan bunu bir daha düşünməlidir", - açıqlamasında deyib.

Qeyd edək ki, bu, müğənninin ikinci nikahıdır. O, 2019-cu ildə gənc həyat yoldaşı Feyza Aktandan qalmaqallı şəkildə ayrılıb. Oğlunun qəyyumluğu ilə bağlı aralarında ciddi mübahisələr yaşanıb.