Serdar Ortaç müjdəni səhnədə verdi

Ötən gecə bir məkanda səhnəyə çıxan Serdar Ortaç səhnədəki pərəstişkarlarına iki şad xəbər verib.

Publika.az Türkiyə mediasına istinadən xəbər verir ki, uzun müddətdir MS ilə mübarizə aparan müğənni Serdar Ortaç sağaldığını deyib. Məşhur müğənni həmçinin pərəstişkarlarına sürpriz layihəsinin yolda olduğunu açıqlayıb.

"Bu səhnəni çox sevirəm. Bütün mövsüm boyu burada konsert verdim. Yayda Almaniya turum başlayır. Almaniyaya gedəcəyəm. Bundan sonra Türkiyənin müxtəlif şəhərlərində konsertlərim olacaq. Repper "Çakal"la duetimizi təqdim edəcəyik. Pərəstişkarlarımızı gözəl, fərqli bir duet gözləyir. Buna hazırlaşırıq. Xəstəliyimdən tamamilə qurtulmağım şərəfinə bu axşam sizinlə əylənəcək və bunu qeyd edəcəyik", - ulduz qeyd edib.

Məlumat üçün bildirək ki, qollarda və ayaqlarda gücsüzlük, görmə itkisi və ya cüt görmə, duyğu qarışıqlığı,nitq və yaddaş pozğunluqları kimi əlamətlərlə ortaya çıxan Multipl Skleroz (MS) xəstəliyi, vaxtında təyin edilmədiyi zaman daimi funksiya pozğunluğuna səbəb ola bilər. Bu əlamətlərin 24 saatdan çox davam etməsi halında bir mütəxəssisə müraciət etmək, xəstəliyin erkən diaqnozunun qoyulması xəstəliyin inkişaf etməsinə imkan vermir.