"Netflix"in direktoru Meqanı müdafiə etdi

Şahzadə Harrinin xanımı Meqan Mark yaşadığı uğursuzluqlara baxmayaraq boş oturmur.

Publika.az axşam.az-a istinadən xəbər verir ki, Meqan bir-birinin ardınca layihələrini buraxmağa davam edir. Bu yaxınlarda o, iddialı başlığı ilə başqa bir podkastı elan edib: "Təsisçi Qadınların Etirafları" və "Love, Megan".

Onlar haqqında lentə alınan və "Netflix"də yayımlanan "Harry və Megan" sənədli serialı ikinci mövsümdə də yayımlanıb, amma tənqid edilib.

Tənqid atəşinə təkcə Meqan yox, sənədli filmi yayımlayan "Netflix"də tutulub. Şirkətin baş direktoru Ted Sarandos isə məsələ ilə bağlı açıqlama yayıb. Qalmaqallı cütlüyün ayrılması ilə bağlı dedi-qodular yayılsa da iş adamı aktrisanın müdafiəsinə qalxıb. O, hersoqların aşağı reputasiyası olduğunu inkar etməyib, lakin şahzadə Harrinin həyat yoldaşına heyran olanların çoxluğunu vurğulayıb.

"Düşünürəm ki, Meqanın bacarığını qiymətləndirmirsiniz. Biz Harri və Meqan haqqında sənədli serialın treylerini yayımlayanda, ekranda göstərilən hər şey bir neçə gün mətbuatda müzakirə edildi. Onun geyindiyi ayaqqabılar bütün dünyada satıldı. Arxasında stulda uzanan "Hermes" yorğanı bütün dünyada satıldı və bir çox insan onu reklam etdi" deyə, iş adamı bildirib.

O bildirib ki, Meqan uğurlu qadındır və onun piar işində bacarığı yüksəkdir.