O, dünyanın ən məşhur insanı idi: İndi isə vəziyyəti ağırdır... - FOTO

Cəmi bir neçə il əvvəl musiqi dünyasında öz adından söz etdirən kanadalı müğənni Castin Biber son vaxtlar psixoloji vəziyyəti ilə bağlı gündəmdədir.

Publika.az xəbər verir ki, 31 yaşlı pop ulduzun yaxın ətrafı açıqlamalar verərək sənətçinin yaşadığı çətinliklərə diqqət çəkib.

“Hollywood Reporter”in məlumatına görə, Castin Biberlə işləyən insanlar ulduzun getdikcə özünə qapandığını və sanki özünü itirdiyini deyirlər. Məşhur müğənni ilə birlikdə hit mahnılar hazırlayan Poo Bear "Hər nə yaşayırsa onun üçün dua edirəm və sağalacağına ümid edirəm" deyib.

Digər tərəfdən, Biberə yaxın mənbə müğənninin psixi pozğunluq keçirməsi ilə bağlı iddiaları təkzib edib: "Sənətçilər dünyaya başqa cür baxırlar. Castin həm fiziki, həm də ruhi cəhətdən son dərəcə sağlamdır".

Lakin Biber ötən ay sosial şəbəkədə "imposter sindromu"ndan əziyyət çəkdiyini etiraf edib. "Karyeram boyu ağlımda bir fırıldaqçı olduğuma dair dəhşətli fikirlər keçirirdim" deyən ulduz, özünü tez-tez dəyərsiz hiss etdiyini qeyd edib.

Xatırladaq ki, cinsi təcavüzdə ittiham olunan repçi P.Diddinin cinayətlərinin üstü açıldıqdan sonra Castin Biber özünəməxsus həyat tərzi sürməyə başlayıb. P.Diddi 120-dən çox şəxs tərəfindən insan alveri və zorakılıqda ittiham olunub. Qurbanlar arasında azyaşlılar da var. Biberin bu qurbanlardan biri ola biləcəyi ilə bağlı iddialar səsləndirilib. Qalmaqal səbəbindən sənətçinin psixo-emosional vəziyyəti pisləşib.

Roza