26 yaşlı gözəllik kraliçası ölümcül qəzaya düşdü - İki yaşlı qızı... / FOTO

Braziliyada Qoyas ştatından olan gözəllik kraliçası ölümlə nəticələnən yol-nəqliyyat hadisəsinə düşüb.

Publika.az xəbər verir ki, bu barədə “Need To Know” məlumat yayıb.

26 yaşlı Nataliya Soares sentyabrın 29-da qəzaya uğrayıb. Onun avtomobili İnyumas və Santa-Rosa-di-Qoyas şəhərləri arasındakı şossedən çıxaraq aşıb. Qadını əzilmiş maşından çıxarmaq üçün xilasedicilərə xüsusi avadanlıq lazım olub. Soareslə birlikdə avtomobildə onun iki yaşlı qızı da olub. Qızcığaz uşaq oturacağında kəmərlə bərkidildiyindən xəsarət almayıb.

Qəzanın səbəbləri hələlik məlum deyil. Polis sürət həddinin aşılması və avtomobilin texniki nasazlığı versiyalarını nəzərdən keçirir.

Soares doğma şəhəri Santa-Rosa-di-Qoyasda 2017-ci ildə bütün bölgədən iştirakçı və tamaşaçıların toplandığı “Festa do Peão de Santa Rosa” illik rodeo festivalının gözəllik kraliçası titulunu qazandıqdan sonra məşhurlaşmışdı.

Bundan əlavə, Soares məktəbdə müəllim işləyir və eyni zamanda iki fakültədə – pedaqogika və fiziki tərbiyə fakültələrində oxuyurdu.

Hüseyn İbadlı