Yeni cərimə - Sabahdan sürücülər elektromobilləri belə park edəcəklər

İyunun 1-dən etibarən Rusiyada Fövqəladə Hallar Nazirliyi tərəfindən hazırlanmış yeni parklanma qaydaları tətbiq olunacaq.

Publika.az "İzvestiya" qəzetinə istinadən xəbər verir ki, söhbət elektriklə işləyən nəqliyyat vasitələri və elektrikə qoşula bilən hibrid avtomobillər üçün nəzərdə tutulmuş yeni parklanma qaydalarından gedir. Belə nəqliyyat vasitələrinin sahiblərinə parklanma yerləri seçərkən daha diqqətli olmaları tövsiyə olunur.

Beləliklə, bundan sonra elektrikli nəqliyyat vasitələri və hibrid avtomobillər nəqliyyat vasitəsi şarja qoşulu olmasa belə, onları yanğın təhlükəsizliyi sistemləri ilə təchiz olunmayan dayanacaqlarda saxlamaq tövsiyə edilməyəcək. Yeni qaydalara görə, 10-dan çox elektrikli nəqliyyat vasitəsi qrup halında parklanmamalıdır. Bundan başqa, belə maşınlardan ibarət "qrup" adi mühərrikli nəqliyyat vasitələrindən xüsusi yanğına davamlı arakəsmələr və avtomatik yanğınsöndürmə sistemləri ilə ayrılmalıdır.

Ən sərt tələblər yeraltı dayanacaqlarda tətbiq olunub. Məsələn, bu cür məkanlara dair tövsiyələrin pozulması belə cərimə ilə nəticələnəcək: fiziki şəxslər üçün 50.000 rubla, vəzifəli şəxslər üçün 100.000 və hüquqi şəxslər üçün isə 2 milyon rubla qədər cərimə.

Müəllif: Tural