Orta məktəbi bitirməyən milyarderlər - FOTO

Ali təhsil diplomu müasir cəmiyyətdə bir növ “uğurlu həyata” keçid kimi qəbul edilir, onsuz yaxşı iş, maaş və ya başqa hər hansı nailiyyət əldə etmək sanki mümkün olmayacaq. Ancaq bildiyiniz kimi, hər qaydanın bir istisnası var. İkincisi, yaxşı təhsil həmişə prestijli işə və parlaq gələcəyə zəmanət vermir. Üçüncüsü, təhsilsiz də, nə istədiyini aydın bilirsənsə, həyatdan istədiyini həmişə ala biləcəksən. Məsələn, Richard Brenson və reper Jay-Z kimi sahibkarların iki ortaq cəhəti var: hər ikisi uğurlu milyarderdir və hər ikisi orta məktəbi bitirməyib.

Publika.az oxucuları bu yazıda məktəbi bitirməyən milyonçularla tanış edib.

Riçard Brenson

Virgin Group beynəlxalq şirkətlər konqlomeratının məşhur və uğurlu qurucusu Riçard Branson 16 yaşında məktəbi atıb. Londona köçdükdən sonra Con Lennon və Mik Jagger kimi ulduzların yer aldığı Student jurnalını açıb. Çox keçmir ki, Riçardın jurnalı satış rekordlarını qırmağa başlayır - bu sahibkarlıq uğurundan sonra 400-dən çox şirkətdən ibarət dünyaca məşhur bir konqlomerat yaranır.

İndi hörmətli ser Corc Bransonun nəvəsi, hakim və Şəxsi Şuranın üzvü, 5,3 milyard dollarlıq sərvətə sahibdir və çoxsaylı uğurlarıyla ailəsini sevindirir. 2021-ci ilin yayında 70 yaşlı sahibkar hətta kosmosun aşağı sərhəddinə uçub. Riçardın sözlərinə görə, öz şirkətinin gəmisinin sınaq uçuşunu heç kimə etibar edə bilməzdi.

Henri Ford

Təəccüblüdür ki, Henri Ford da məktəbi atanlar siyahısındadır. Ailəsi Detroit yaxınlığındakı fermada işləyirdi. İrlandiyadan olan immiqrantların oğlu 16 yaşında evdən qaçır və Detroitdə işləməyə başlayır. 1891-1899-cu illərdə mühəndis-mexanik işləyib, boş vaxtlarında avtomobillərin dizaynı ilə məşğul olub.

Fordun qabiliyyəti dərhal qiymətləndirildi, o, Edison Elektrik Şirkətində baş mühəndis vəzifəsinə təyin olundu. Bir müddət sonra Detroit Avtomobil Şirkətinin ortağı oldu. Düzdür, Ford bu vəzifədə uzun müddət qalmadı: direktorlar şurasının digər üzvləri ilə fikir ayrılığı səbəbindən o, ayrılmağa və öz şirkətini qurmağa qərar verdi.

1910-cu ildə Ford o dövrün ən müasir avtomobil zavodunu, yaxşı işıqlandırılmış və havalandırılan Haylend Parkını tikib istifadəyə verdi. 1913-cü ildə ilk yığma konveyeri meydana çıxdı. Müxtəlif modifikasiyalar sayəsində burada avtomobillər digər fabriklərdə olduğundan iki dəfə tez yığılırdı.

İnqvar Kamprad

İnqvar məktəbi gözəl bir ideya - dünyanı dəyişmək naminə atıb. Həm də milyarder olmaq niyyəti var idi, amma bunlar artıq nüanslardır.

IKEA-nın gələcək yaradıcısı disleksiyadan əziyyət çəkirdi, lakin bu, özündə sahibkarlıq bacarıqlarını kəşf etməsinə mane olmadı: o, Stokholmda kibritlər aldı, sonra isə doğma şəhərində yenidən satdı. Daha sonra balıq, Milad bəzəkləri, toxumlar, diyircəkli qələmlər satışı ilə məşğul oldu.

17 yaşında atasından aldığı pulu IKEA-nın yaradılmasına yatırdı. Düz qutulara yığılmış mebel ideyası 50-ci illərdə təsadüfən ağlına gəldi. İnqvar gördü ki, işçisi masanın ayaqlarını müştərinin maşınına sığması üçün onun ayaqlarını açmalı oldu. 2009-cu ildə Kamprad 3 milyard dollar sərvəti ilə İsveçin ən varlı sakini kimi tanınıb.

Amansio Orteqa

Az adam bilir ki, bu gün 88 ölkədə 6750 mağazaya sahib olan İspaniyanın “Indetex” şirkətinin qurucusu və eks-prezidenti Amansio Orteqa məktəbi yarımçıq qoyub. “Massimo Dutti”, “ZARA”, “Bershka”, “Stradivarius”, “Oysho”, “Pull&Bear”, “Uterqüe”, “ZARA Home” mağazaları geyim, ayaqqabı və aksesuarlar istehsal edən “Indetex” şirkətinə daxildir.

Amansio Orteqa kasıb ailədə dünyaya göz açıb. Atası dəmiryolçu, anası isə qulluqçu idi. Ailə o qədər kasıb idi ki, Amansio 13 yaşında məktəbi yarımçıq qoyub köynək dükanında köməkçi işləməyə getdi. 1950-ci ildə gənc karyerasını “La Maja” mağazasında davam etdirdi. 14 yaşında italyan dərzisinin şagirdi kimi çalışdı. Amma o, atasına söz vermişdi ki, heç vaxt dərzi olmayacaq.

Və o, yalan danışmadı: Amansio üçün biznes işini idarə etmək daha maraqlı idi - 37 yaşında toxuculuq fabriki açdı. Müştərilərdən biri böyük sifarişdən imtina etdikdə, o, əlindəki malı satmaq üçün mağaza açdı. Mağaza əvvəlcə Zorba (“Yunan Zorba” filmindəki personajın şərəfinə) adlanırdı, lakin qeydiyyatda çətinliklər üzündən başqa bir ad icad edilməli oldu - ZARA.

1999-cu ildə Orteqa istehsal və ticarət holdinqini – “Industria de Diseno Textil Sociedad Anonima” (qısaca Inditex) yaratdı, 1990-cı ilin sonunda “GAP2 (ABŞ) və “H&M” (İsveç) geyim markalarını açdı. 2020-ci il üçün təsisçinin sərvəti 55,1 milyard dollar olaraq qiymətləndirilib. O, planetin ən varlı adamları reytinqində 6-cı yerdədir.

Robin Rihanna Fenty

Rihanna bütün zamanların ən çox tələb olunan sənətçilərindən biridir, 2018-ci ildə “Forbes” jurnalına görə dünyanın ən çox qazanan müğənniləri reytinqində 7-ci, 8 Grammy mükafatının sahibi, Barbadosun milli qəhrəmanıdır. Ümumilikdə onun albomlarının 20 milyon nüsxəsi və 60 milyon sinqlı satılıb. Bəli, attestatı olmayan ulduz məktəbi 16 yaşında atıb.

Rihanna yeddi yaşından mahnı oxuyur. O, sadə bir evdə yaşayır və atasına yarmarkada paltar satmağa kömək edirdi. İbtidai məktəbdə Rihanna sinif yoldaşları ilə musiqi triosu yaratmışdı. 2003-cü ildə gələcək müğənni təsadüfən amerikalı prodüser Evan Rocerson ilə tanış oldu və bu tanışlıq həyatının dönüş nöqtəsinə çevrildi. Qızın səsindən təsirlənən prodüser onu və komandanın digər iki üzvünü dinləmələrə dəvət etdi. Rihanna bütün vaxtını demolara sərf etdiyi üçün məktəbi atmalı oldu. 2005-ci ilin avqustunda müğənni leybl ilə birlikdə “Pon de Replay” mahnısını buraxdı, dünya miqyasında hitə çevrilən bu kompozisiya 15 ölkədə ən yaxşı top on sinql siyahına daxil oldu.

2016-cı ildə “Anti” adlı albomu çıxandan sonra müğənni tarixdə mahnılarının 100 milyon nüsxəsini satan yeganə sənətçi kimi sertifikat aldı. Rihannanın hiti “The Beatles”ı belə geridə qoydu. 2018-ci ildə müğənninin gəliri 37,5 milyon dollar təşkil edib. Hazırda müğənni və dizaynerin sərvəti 1,7 milyard dollara çatır.

Jay-Z

Jay-Z 2019-cu ilin iyununda hip-hopun ilk milyarderi oldu. “Forbes”in məlumatına görə, onun hazırda təxminən 1 milyard dolları var.

Ulduz məktəbi atdıqdan sonra böyük uğurlar qazansa da, insanları təhsillərinə ciddi yanaşmağa səsləyir. Jay-Z “Carnegie Hall”dakı mətbuat konfransında “Təhsil çox vacibdir. Mənim orta məktəb diplomum və ya kollec diplomum yoxdur, amma yenə də fikirlərini düzgün ifadə edə bilmək üçün oxumalısan” deyib.

Aytən Məftun