Rusiya üçün ÜZÜCÜ PROQNOZ: rubl bu tarixdə ucuzlaşacaq

Rublun məzənnəsi bu ilin sonuna kimi bir dollar üçün 70,1 rubla qədər zəifləyəcək.

Publika.az xəbər verir ki, bu barədə “İzvestiya” ən böyük bankların analitiklərinin iştirak etdiyi konsensus proqnozunun nəticələrinə istinadən xəbər verir.

Bildirilir ki, Rusiya valyutasının ucuzlaşması Maliyyə Nazirliyinin planlaşdırdığı dost ölkələrin valyutalarının alınmasına, eləcə də idxalla bağlı vəziyyətin sabitləşməsinə və xammala qlobal tələbatın zəifləməsinə şərait yaradacaq.

Beləliklə, 2022-ci ilin sonuna qədər qlobal tənəzzül fonunda idxalın bərpası və ixracın azalması ehtimalı ilə Rusiya valyutasının bir dollar üçün 65 rubla qədər tədricən ucuzlaşması gözlənilir.

Bundan əlavə, ekspertlər hesab edir ki, rublun məzənnəsinə 70-80 rubl məzənnəsindən bəhrələnən hakimiyyətin şifahi müdaxiləsi də təsir edəcək.

Bundan əvvəl "Otkritie Investments" qlobal tədqiqat departamentinin aparıcı analitiki Oleq Syrovatkin Rusiya rublunun gələcəkdə ucuzlaşa biləcəyini söylədi.

Hüseyn İbadlı