Həyat yoldaşı Zelenskiyə qarşı çıxdı: İstəmirəm, bu mümkün deyil

Vladimir Zelenskinin həyat yoldaşı Yelena ərinin yenidən Ukrayna prezidenti olmasını istəmir.

Publika.az xəbər verir ki, o, bu barədə “The Economist”in baş redaktoruna müsahibəsində bildirib.

Siyasətçinin həyat yoldaşı münaqişənin Ukrayna üçün müsbət nəticələnəcəyinə inamından danışıb. Və o, ailənin qovuşacağı anı gözlədiyini bildirib. Bundan əvvəl, 2022-ci ilin mayında Yelena Zelenskaya ərini “işdə yaşadığına” görə görmədiyini etiraf etmişdi.

“Hər şey başa çatandan sonra məzuniyyətə çıxacağıq və harasa gedəcəyik - hər yerə, amma birlikdə, yalnız dördümüz. Bundan sonra nə edəcəyimizi düşünəcəyik. Çünki mən onun növbəti müddətə prezident olmasını istəmirəm. Bu mümkün deyil. Yəqin ki, biz yeni nəsə tapmalı olacağıq”, - deyə Zelenskaya bildirib.

Ukraynada prezident seçkiləri 2024-cü ilin martına təyin edilmişdi. Yayın sonunda Zelenski münaqişə zamanı seçkilər keçirilərsə, yenidən seçilməyə hazır olduğunu açıqlamışdı. Noyabrın 30-da Ukraynada növbəti seçkilərin - həm parlament, həm də prezident seçkilərinin yalnız hərbi vəziyyət aradan qaldırıldıqdan sonra keçiriləcəyi açıqlanıb.

Tural