MDB

Jurnalistin olduğu avtomobil kamikadze dronu ilə vurulub - TƏFƏRRÜAT

8 Avqust 2024 01:20

Rusiya Xarici İşlər Nazirliyi hərbi müxbir Yevgeni Poddubnının həyatına sui-qəsdi müharibə cinayəti kimi qiymətləndirib.

Publika.az xəbər verir iki, bu barədə nazirliyin xüsusi tapşırıqlar üzrə səfiri Rodion Miroşnik bildirib.

O, məsələ ilə bağlı istintaqın ən qısa zamanda aparılacağını açıqlayıb.

Miroşnik Poddubnının məqsədyönlü şəkildə izlənildiyini istisna etməyib.

Qeyd edək ki, avqustun 7-də Poddubnının içində olduğu avtomobil FPV dronu tərəfindən vurulub.

Əvvəlcə jurnalistin sağ qalmadığı ehtimal edilirdi, lakin sonradan onun yaralı halda Kursk Regional Xəstəxanasına aparıldığı barədə məlumat yayılıb.

"Baza" "Telegram" kanalı onu tapan hərbçilərlə əlaqə saxlamağa müvəffəq olub. Onlar Poddubnının ağır dərəcəli yanıqlarının olduğunu və aldığı xəsarətlərə görə danışmaqda çətinlik çəkdiyini bildiriblər. Hərbçilər qeyd ediblər ki, onun üzərində şəxsiyyətini müəyyən etməyə imkan verən sənədlər tapılıb.

Ləman