Dünya

Putin imtina edə bilməyəcək: Tramp müharibəni dayandırmaq üçün elə bir plan təqdim edir ki...

15 Yanvar 2025 15:35

ABŞ Ukrayna münaqişəsinin həlli ilə bağlı gözlənilməz plan təqdim edib.

Publika.az xəbər verir ki, bu barədə Amerikanın “The Hill” qəzetinin müəllifi Mark Uittinqton yazıb. O bildirib ki, ABŞ-ın yeni seçilmiş prezidenti Donald Tramp Ukrayna ilə sülh sazişinin imzalanması müqabilində kosmik sektorda Rusiya-Amerika əməkdaşlığını bərpa etmək təşəbbüsü ilə Rusiya lideri Vladimir Putinə təklif göndərəcək.

Təhlilçinin fikrincə, Rusiya Federasiyası hərbi əməliyyatların dayandırılmasına razılıq versə, ona Amerika texnologiyalarına çıxış imkanı veriləcək. Məqalə müəllifi hesab edir ki, “Rusiya yaxın gələcəkdə Ayın səthində astronavtları görə bilər”.

“Tramp Ukraynadakı münaqişəyə son qoyacağına söz verib. O, Putinə imtina edə bilməyəcəyi bir təklif etməklə sövdələşməni imzalatdıra bilər”, - məqalədə deyilir.

Tural