Bizim üçün naməhrəm heç nə yoxdur - Nazənin

Biz müğənniyik, bizim üçün naməhrəm heç nə yoxdur.

Publika.az pravda.az-a istinadla xəbər verir ki, bunu müğənni Nazənin “Rəngarəng” verilişində deyib.

O, aparıcı Zaur Nəbioğlunun “Kişi toyuna gedirsinizmi” sualına belə cavab verib:

“Müğənni kişi toyuna da gedər, qadın toyuna da. Biz müğənniyik, bizim üçün naməhrəm heç nə yoxdur. Bir biz, bir də həkimlər.

Yadıma gəlmir, kişi toyuna çoxdan getmişəm. Şadlıq evinin yuxarı mərtəbəsində Abbas Bağırov, aşağıda isə mən oxuyurdum. Adam sayı çox oldu, yuxarıdakıları şou zalına saldılar. Kişi toyunu orda idarə etmişəm. Hamısı doğmalarım, yerlilərim - cənub eli olub.

Ərim mənimlə evlənəndə bilirdi ki, müğənni xanımla evlənir, evdar xanımla yox. Əlbəttə, çox uzaq yerlərdən toy üçün dəvət alıram, amma icazə vermir ki, nə edirsən, gedib təyyarədə qalacaqsan, şükür Allaha, nəyə ehtiyacın var ki?! Düzünü deyim, ürəyim çırpınır, məni istəyirlərsə, getmək istəyirəm. Evdə otursam, ürəyim partlayar, ölərəm. Səhnədə olmağı sevirəm”.