Daşkənddə KRİTİK TOPLANTI: MDB və ŞƏT ölkələri terrorizmə qarşı...

Çərşənbə günü Daşkənddə terrorizmə qarşı mübarizə üzrə MDB konfransının və Şanxay Əməkdaşlıq Təşkilatı ( ŞƏT ) ölkələrinin antiterror strukturunun beynəlxalq elmi-praktik konfransının birgə işi başlayacaq.

Publika.az xəbər verir ki, bu barədə “İnterfaks” məlumat yayıb.

“2024-cü il sentyabrın 4-də Daşkənddə MDB-nin terrorizm və ekstremizmə qarşı mübarizə üzrə konfransı və ŞƏT-in RATS beynəlxalq elmi-praktik konfransı ilk dəfə birgə işinə başlayacaq”, - deyə Birlik Antiterror Mərkəzinin mətbuat xidməti məlumat yayıb.

İcma əlavə edib ki, iştirakçılar terrorizmlə mübarizə sahəsində beynəlxalq əməkdaşlıq məsələlərini və antiterror fəaliyyətinin elmi və tədris bazasının təkmilləşdirilməsi tədbirlərini müzakirə edəcəklər.

Tədbir Özbəkistanın Dövlət Təhlükəsizliyi Xidməti, MDB ATX və ŞƏT-in Regional Antiterror Strukturu tərəfindən təşkil olunub.

Konfrans sentyabrın 4 və 5-də plenar iclas və beş sessiya formatında keçiriləcək.

Burada MDB-nin 20 üzvü və ŞƏT üzvü olan dövlətlərin səlahiyyətli orqanlarının nümayəndələri iştirak edəcəklər.

Konfransda terrorizm və ekstremizmə qarşı mübarizə sahəsində milli təcrübə mübadiləsinin aparılacağı gözlənilir.

Cümə axşamı Özbəkistanda həmçinin MDB-yə üzv dövlətlərin səlahiyyətli orqanlarının “Vostok-Antitror - 2024” birgə antiterror təliminin ikinci və üçüncü mərhələləri keçiriləcək.

Hüseyn İbadlı