Moskva bu MDB ölkəsini separatizmlə hədələdi: Biz bunu bilirik

Rusiya Moldovanın Moskva ilə əlaqələri Avropanın xeyrinə kəsmək siyasətindən məyusdur.

Publika.az xəbər verir ki, bunu Rusiya Federasiya Şurasının senatoru Qriqori Karasin Lenta.ru-ya bildirib. O, ölkənin MDB-dən çıxmaq planlarına reaksiya verib.

“Bu xəbər, təbii ki, həm Moldova vətəndaşları, həm də bizim üçün kədərlidir. Rusiya üçün bu, çox yaxın respublikadır, bizim orada çoxlu dostlarımız var, onlarla geniş və qarşılıqlı faydalı əlaqələr olub. Hazırkı rəhbərliyin Rusiya ilə əlaqəli hər şeyi sıxışdırmaq və sırf Avropa müstəvisinə keçmək siyasəti məyusluq hissi yaradır”, - deyə siyasətçi bildirib.

O, həmçinin vurğulayıb ki, Rusiya Moldova ilə normal münasibətləri daha da inkişaf etdirməyə hazırdır. Karasin həmçinin qeyd edib ki, Kişinyovla kifayət qədər unikal münasibətə malik Dnestryanı bölgə var.

"Biz bunu bilirik və buna əhəmiyyət veririk. Biz münasibətlərimizin dinc və faydalı olmasını istəyirik. Vətəndaşların sövdələşmə predmetinə çevrildiyini nəzərə alsaq, narahatlığa əsas var", - senator qeyd edib.

Tural