MDB

Rusiyada miqrantlarla bağlı yeni qadağa təklif edildi: Bu xəstəliyi yayırlar

22 Yanvar 2025 16:27

Rusiyada Dövlət Duması miqrantların yalnız dövlət klinikalarında tibbi müayinədən keçirilməsini təklif edib.

Publika.az xəbər verir ki, Dövlət Dumasının Sağlamlığın Mühafizəsi Komitəsinin rəhbəri Sergey Leonovun sözlərinə görə, bu, Rusiyada yoluxucu xəstəliklərin, o cümlədən İİV infeksiyasının yayılması ilə mübarizə aparmağa kömək edəcək.

“Təəssüf ki, xeyli sayda əcnəbi faktiki olaraq Rusiyada məcburi tibbi müayinədən keçmir və bununla da bütün ölkə ərazisində yoluxucu xəstəliklərin yayılması riskini artırır. Bu formal yanaşma əmək miqrantlarının çox vaxt özəl klinikaları seçməsi və tibbi müayinədən sırf kağız üzərində keçməsi sayəsində mümkün olub”, - Leonov TASS-a müsahibəsində izah edib.

Leonov bildirib ki, miqrantların sağlamlığının monitorinqini təkmilləşdirməklə yanaşı, qanunvericilik təklifi dövlət xəzinəsinə daxilolmaları da artıracaq.

Tural