MDB

Rusiya üçün kabus kimi gecə: Yüzlərlə PUA ilə hücum - Ukrayna nüvə obyektini vurmaq istədi

29 Yanvar 2025 09:08

Yanvarın 29-na keçən gecə Ukrayna Silahlı Qüvvələri (AFU) Rusiya ərazisinə yüzdən çox pilotsuz uçan aparatla hücum edib.

Publika.az xəbər verir ki, bu barədə Rusiya Müdafiə Nazirliyi özünün Telegram kanalında məlumat yayıb.

Ümumilikdə hava hücumundan müdafiə sistemləri 104 pilotsuz uçan aparatın qarşısını alıb. Rusiyanın 9 bölgəsi Ukrayna Silahlı Qüvvələrinin hücumuna məruz qalıb. Təyyarələrin əksəriyyəti - 47-si Kursk vilayətində vurulub.

Bundan əlavə, Bryansk vilayəti üzərində daha 27, Smolensk vilayəti üzərində 11, Tver vilayəti üzərində 7, Belqorod vilayəti üzərində 4, Nijni Novqorod və Kaluqa vilayətlərinin hər biri üzərində 3 təyyarə vurulub. Leninqrad və Rostov vilayətləri üzərində də bir pilotsuz təyyarə ələ keçirilib.

Pilotsuz təyyarə Smolensk vilayətində nüvə obyektinə zərbə endirmək istəyib.

Tural