Qalmaqallı təklif: "İsrail ordusu Nobel Sülh Mükafatına layiq görülməlidir"

Britaniyalı siyasətçi və sabiq təhsil naziri Maykl Qov İsrail hərbçilərinin Nobel Sülh Mükafatına layiq görülməsinin lazım olduğunu bildirib

Publika.az xəbər verir ki, Qov bu barədə “Jewish Chronicle” platformasında yazıb.

O, ABŞ-ın Qəzzada İsrailə maneçilik törətdiyini və onlara kifayət qədər dəstək vermədiyini iddia edərək, Qərb dünyasının İsrailə təşəkkür etməli olduğunu deyib:

"Qərb Netanyahu hökumətinə Bayden-Blinken xətti ilə getməməyi seçdiyinə görə minnətdar olmalıdır. İsrail hökuməti Ağ Evin rəğbətini qazanacaq, lakin bölgədə heç bir müharibədə qalib gəlməyəcək zəiflik göstərmək əvəzinə, davamlı sülhə aparan yeganə yol olan gücü göstərdi”.

Qov həmçinin İsrailin bölgədə terrorçuları məğlub etdiyini və diktatorları devirdiyini iddia edib:

“Terrorçular məğlub oldular, tiranlar devrildi, demokratiya müdafiə olundu və Ukrayna gücləndi. Bayden-Blinken komandasının istədiyi olsaydı, bunların heç biri baş verməzdi. Bəlkə də Co və Antoninin Netanyahudan üzr istəmələrinin vaxtı çatıb. Niyə İsrail ordusundakı kişi və qadınları Nobel Sülh Mükafatına namizəd göstərməyək? Bu, qarışıqlıq yarada bilər. Ancaq bu, Bayden komandasının nəhayət zəifliyin gücdən daha pis olduğunu qəbul etməsinin bir əlaməti olardı”.

Roza