Tramp HƏMAS-ı HƏDƏLƏDİ - “Bilirlər ki, zarafat etmirəm”
Bizi izləyin
Aptekonline

MDB

Tramp HƏMAS-ı HƏDƏLƏDİ - “Bilirlər ki, zarafat etmirəm”

Tramp HƏMAS-ı HƏDƏLƏDİ - “Bilirlər ki, zarafat etmirəm”

ABŞ Prezidenti Donald Tramp Argentina lideri Xavyer Mile ilə görüşü zamanı bildirib ki, Fələstin hərəkatı HƏMAS ona silahı yerə qoyacağına “söz verib”, lakin bu baş verməzsə, onların zorla tərksilah ediləcəyini qeyd edib.

Publika.az xəbər verir ki, görüş Ağ Evin YouTube kanalında yayımlanıb.

“Onlar dedilər ki, silahı yerə qoyacaqlar. Əgər bu baş verməzsə biz onları tərksilah edəcəyik. Mən bunu necə edəcəyimizi izah etməyə borclu deyiləm, amma onlar bilirlər ki, zarafat etmirəm”, - deyə ABŞ lideri xəbərdarlıq edib.

Oktyabrın 14-də Tramp Qəzza üzrə sülh sazişinin ikinci mərhələsinin həyata keçirilməsinə başlanıldığını açıqlayıb.

Bu mərhələ HƏMAS-ın tərksilah edilməsini nəzərdə tutur. "Al Arabiya" telekanalı HƏMAS nümayəndələrinə istinadla bildirib ki, onlar bu məsələni “çətin və dolaşıq” hesab edirlər.

Oktyabrın 13-də ABŞ Prezidenti İsrail parlamentində çıxışı zamanı Qəzzadakı münaqişənin başa çatdığını elan edib.

Hüseyn İbadlı

Oxumağa davam et
Reklam
Reklam

Gündəm

Aptekonline