MDB

Ukraynadan Feodosiyaya ikinci zərbə: 16 çən partladıldı - VİDEO

15 Oktyabr 2025 12:57

Oktyabrın 13-nə keçən gecə Ukrayna Müdafiə Qüvvələri işğal olunmuş Feodosiyadakı Dəniz Neft Terminalına ikinci hücuma keçərək 16 yanacaq çəninə ziyan vurub.

Publika.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Baş Qərargahın məlumatına görə, obyektdə genişmiqyaslı yanğın davam edir.

Bildirilir ki, Feodosiyadakı terminal Rusiya qoşunlarını yanacaq və sürtkü materialları ilə təmin etmək üçün mühüm logistik əlaqədir. Çənlərdə saxlanıla bilən neft məhsullarının ümumi həcmi təxminən 193 min kubmetrdir.

Bundan əlavə, oktyabrın 14-nə keçən gecə Ukrayna Müdafiə Qüvvələrinin bölmələri işğal olunmuş Krımın Krasnaya Polyana şəhərindəki "P-18" radiolokasiya stansiyasına, işğal olunmuş Xerson vilayətində Oleşki şəhərində PUA idarəetmə mərkəzinə və Donetskdə Makiyevka yaxınlığındakı sursat anbarına zərbələr endirib.

Adəm