Zelenskinin əsas rəqibləri bəlli oldu: Ukraynanın növbəti prezidenti kim olacaq?

Ukraynada prezident seçkilərində potensial namizədlər arasında ölkənin hazırkı lideri Vladimir Zelenski, Ukrayna Silahlı Qüvvələrinin keçmiş baş komandanı Valeri Zalujnıy, Kiyev meri Vitali Kliçko və keçmiş prezident Petro Poroşenko ola bilər.

Publika.az xəbər verir ki, bunu "Lenta.ru"ya politoloq Vladimir Jarixin deyib.

"Zelenskinin əsas rəqibi Zalujnıy olacaq. Lakin digər namizədlər də mütləq yarışacaqlar. Bura Poroşenkonun təmsil etdiyi köhnə qvardiya və bəlkə də Kliçko da daxildir", - deyə politoloq proqnoz verib.

O deyib ki, Kliçkonun Zelenski ilə mürəkkəb münasibətləri olsa da, onun qalib gəlmək şansı azdır.

“Kliçko Almaniyanın adamıdır. Lakin bu halda, Böyük Britaniya və ABŞ ilə münasibətlərinin hazırkı vəziyyətinə görə Almaniyanın öz namizədini irəli sürə bilməsi ehtimalı azdır. Buna görə də o, qalib gəlməyəcək. Zalujnının şansı var, amma Zelenskidən az. Zelenski hazırda sorğularda keçmiş baş komandandan geridə qalsa da, hər şey seçkilərin necə keçirilməsindən asılı olacaq”, - deyə politoloq fikrini yekunlaşdırıb.

Adəm