Bir və ya iki nəfərə xidmət etmirəm: Bu türk dövlətində parlamentin sədri istefa verdi

Qırğızıstan Parlamentinin sədri Nurlanbek Turğunbek istefa verib.

Publika.az xəbər verir ki, bu barədə yerli mətbuat məlumat yayıb.

"Ölkədə baş verən siyasi hadisələri nəzərə alaraq, bir və ya iki nəfərə xidmət etmədiyimi deməyi zəruri hesab edirəm: mən xalqa, dövlətə və parlamentə xidmət edirəm. Könüllü istefa vermək qərarına gəldim. Bu, mənim şəxsi qərarımdır və kənar təzyiq olmadan qəbul edilmiş qərardır", - Turğunbek uulu bildirib.

Spikerin istefası Qırğızıstanın Milli Təhlükəsizlik üzrə Dövlət Komitəsinin rəhbəri Kamçıbek Taşiyevin vəzifədən alınmasından bəri müzakirə olunurdu.

Turğunbek uulu 17 dekabr 2025-ci ildə VIII Parlamentin sədri seçilib. O, həmçinin əvvəlki çağırışda ölkənin qanunvericilik orqanına rəhbərlik edib.

Sadır Japarov bir müddət əvvəl Qırğızıstan Dövlət Milli Təhlükəsizlik Komitəsinin rəhbəri Kamçıbek Taşiyevi və onun üç müavinini vəzifəsindən azad etmişdi. O, qərarını milli birliyin gücləndirilməsi və cəmiyyətdə parçalanmanın qarşısının alınması zərurəti ilə izah etmişdi.

Dövlət Komitəsinin sədri vəzifəsini müvəqqəti olaraq Jumqalbek Şabdanbekov tutub.

Tural