MDB

Rusiya Vensin səfərindən sonra əsl üzünü göstərdi: General vasitəsilə xəbərdarlıq etdi

12 Fevral 2026 12:23

Qərb ölkələri Cənubi Qafqaz regionunda təsirlərini gücləndirməyə çalışırlar.

Publika.az xəbər verir ki, bu barədə Kollektiv Təhlükəsizlik Müqaviləsi Təşkilatının (KTMT) Birləşmiş Qərargah rəisi general-polkovnik Andrey Serdyukov brifinqdə bildirib.

"Köhnə, həll olunmamış ziddiyyətlərin və yeni geosiyasi çətinliklərin kombinasiyası ilə xarakterizə olunan Qafqaz regionundakı vəziyyət xüsusilə narahatlıq doğurur. Bu, əsasən Qərb ölkələrinin Cənubi Qafqazda təsirlərini gücləndirmək cəhdləri ilə bağlıdır", - deyə o qeyd edib.

Serdyukov qeyd edib ki, Təşkilatın məsuliyyət zonasında vəziyyət gözlənilməz olaraq qalır. Qərb ölkələri Ukrayna münaqişəsini uzatmağa çalışır, Avropa da aktiv militarizasiya prosesindədir.

Maraqlıdır ki, generalın bu xəbərdarlığı ABŞ-ın vitse-prezidenti Vensin Azərbaycana və Ermənistana səfərlərindən sonra edilir. Deməli, Rusiyanı narahat edən elə bu səfərdir.

Tural