"Telegram" və "WhatsApp"ı buna görə bloklamışıq - Peskov

"Meta Corporation" Rusiya qanunlarına riayət etmək istəmədiyi üşün "WhatsApp" bloklanıb.

Publika.az xəbər verir ki, bunu Rusiya prezidentinin mətbuat katibi Dmitri Peskov deyib.

"Telegram"a gəldikdə, Peskov bununla bağlı sualı Rusiya Rabitə, İnformasiya Texnologiyaları və Kütləvi Media Nəzarəti üzrə Federal Xidmətə ("Roskomnadzor") ünvanlayıb.

Bazar ertəsindən bəri ruslar "Telegram" tətbiqindən şikayətlənirlər və iki gün ərzində şikayətlərin sayı 9000-i keçib. "Roskomnadzor" bildirib ki, agentlik Rusiya qanunlarına uyğunluğu təmin etmək üçün "Telegram"a mütəmadi məhdudiyyətlər tətbiq etməyə davam edəcək.

"Telegram"ın qurucusu Pavel Durov isə problemə cavab olaraq bildirib ki, vətəndaşların azadlıqlarının məhdudlaşdırılması düzgün qərar deyil. Bu baxımdan, o, İranın səkkiz il əvvəl mesenceri necə bloklamağa cəhd etdiyini, lakin buna nail ola bilmədiyini xatırladıb.

Durovun sözlərinə görə, sosial şəbəkə hər hansı bir təzyiqə baxmayaraq, söz azadlığı və şəxsi həyatın toxunulmazlığını müdafiə edir.

Adəm