Ruslar Ukrayna ərazisini "Şaxta Baba"larla necə zəbt etdi? - Əməliyyatın detalları(Foto+Video)

Ukraynada gərgin döyüşlər davam edir.

Publika.az xəbər verir ki, Rusiya mediası Dimitrovun işğal edilməsi zamanı rus qoşunlarının qeyri-adi üsuldan istifadə etməsi barədə məlumat yayıb. Belə ki, hərbçilər şəhərdə Şaxta Baba geyimində peyda olublar. Bu gözlənilməz və qeyri-adi əməliyyat isə Ukrayna bölmələri arasında çaxnaşmaya səbəb olub.

Rusiya Müdafiə Nazirliyi tərəfindən yayımlanan videoda 5-ci briqadanın "Pirat" ləqəbli komandiri deyib ki, əməliyyat zamanı Rusiya bölmələri arasında koordinasiya yüksək səviyyədə təşkil olunub. Ukraynalılar Rusiya Silahlı Qüvvələrinin döyüşçülərinin bu üsulla onların arxasına keçib irəliləməsinə hazır deyilmiş. İddia olunur ki, rayonun bir neçə ərazisində müdafiə tədbirləri bu cür əmməliyyat üçün yetərincə təşkil olunmayıb.

Komandir qeyd edib ki, əməliyyatın son mərhələsində qoşunlar "bayram tədbiri" keçiriblər.

"Onlar Şaxta Baba geyimində şəhərdə gəziblər, yerli sakinlərə hədiyyələr paylayıblar və sonda Rusiya bayraqlarını qaldırıblar. Bölmələr bir-birini radio əlaqə vasitəsi ilə təbrik ediblər", -məlumatda qeyd edilib.

Tural