Tramp İranı bombalamaq üçün yeni ittifaq qurur - MƏXFİ PLAN

ABŞ prezidenti Donald Tramp Yaxın Şərqdə yeni hərbi ittifaqın qurulması üzərində işləyir.

Publika.az xəbər verir ki, yeni hərbi ittifaqa Səudiyyə Ərəbistanı, Birləşmiş Ərəb Əmirlikləri (BAE), Qətər, Bəhreyn, Misir və İordaniya daxil ediləcək.

“Röyters”in məlumatına görə, İrana qarşı yaradılması planlaşdırılan ittifaq “Ərəb NATO-su” adlandırılacaq. Layihənin həyata keçirilməsi gizli şəkildə aparılır.

“Ərəb NATO-su” layihəsi ilk dəfə ötən il Trampın Səudiyyə Ərəbistanına səfəri zamanı gündəmə gəlib.

Trampın prezident seçilməsindən sonra ilk xarici səfərini Ər-Riyada etməsi təsadüfi deyildi. Azərbaycan rəhbərliyinin də dəvət aldığı Ər-Riyad sammiti əslində Yaxın Şərqdə baş verən bugünkü proseslər və Vaşinqtonun Tehranın üzərində yeriməsinin başlanğıcı hesab oluna bilər.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Məlumata görə, ABŞ-ın MESA (Middle East Strategic Alliance: Yaxın Şərq Strateji İttifaqı) adlandırdığı layihə 12-13 oktyabrda Vaşinqtonda keçiriləcək sammitdə müzakirə ediləcək.

Ağ Ev layihə haqqında “son bir neçə aydır regional müttəfiqlərimizlə plan üzərində işləyirik” açıqlamasını verib.

ABŞ-ın Milli Təhlükəsizlik Şurası isə “MESA İranın təhdidlərinə, terrorçuluğa və radikallığa qarşı müzakirə edərək, Yaxın Şərqə sabitlik gətirəcək” deyə layihəyə münasibət bildirib.

Adını açıqlamayan İran rəsmisi isə bildirib ki, ABŞ və regional müttəfiqləri bu layihə ilə bölgədə gərginliyi daha da artıracaq.

Asif