Əsədə şok: 1532 hərbçisi öldürüldü

2019-cu ilin dekabrından 2020-ci ilin yanvar ayına qədər Suriya ordusu olduqca ağır itkilər verib.

Publika.az Axar.az-a istinadən xəbər verir ki, bu barədə Suriyada fəaliyyət göstərən “Təhrir əş-Şam” qüvvələrinə məxsus İBA agentliyi məlumat yayıb.

Agentliyin məlumatlara görə, Bəşər Əsəd qüvvələri ən çox itkini 19 dekabr 2019-cu il - 2 fevral 2020-ci il tarixləri arasında verib. Bildirilib ki, bu tarixlərdə Əsəd qüvvələri və şiə milislərinin 1532 (148-i zabit), Rusiyanın isə 13 hərbçisi öldürülüb, yüzlərlə yaralı var.

Bundan başqa 45 zirehli texnika (28 ədəd tank, 14 ədəd PDM, 1 ədəd 57 mm-lik top, 1 ədəd raket qurğusu, 1 ədəd “Şilka”), 45 hərbi maşın (34 ədəd yük maşını və pikap, 5 ədəd 14.5 mm pulemyot daşıyan pikap, 6 ədəd 23 mm pulemyot daşıyan pikap), 13 ədəd idarəolunan tank əleyhinə raket qurğusu məhv edilib.

Döyüşlər zamanı 7 ədəd tank, 2 ədəd PDM, 9 ədəd PUA vurulub. Suriya ordusuna məxsus 8 tank, 6 PDM, 1 hərbi yük maşını, 3 idarəolunan tank əleyhinə raket qurğusu, 3 ədəd 14.5 mm çaplı pulemyot, 3 “Şilka”, 4 pikap və müxtəlif silahlar ələ keçirilib.