Əvvəllər məlum olmayan tarixi abidə aşkarlandı

Sinay yarımadasının cənub hissəsində arxeoloqlar yaşının 10 min ilə çatdığı təxmin edilən qədim qayaüstü təsvirlərlə bəzədilmiş qaya aşkar ediblər.

Publika.az xəbər verir ki, bu barədə Misirin Turizm və Qədim Abidələr Nazirliyi bu tapıntını "açıq səma altında təbii muzey" adlandırıb.

Umm-İrak yaylasının şərq yamacındakı 100 metrdən çox uzanan qaya örtüyü oyma və çəkilmiş təsvirlərlə örtülüdür. Burada heyvanları, ov səhnələrini, silahlı insan fiqurlarını, müxtəlif simvolları, eləcə də ərəb və nabatey dillərində yazıları görmək olar. Bu sənət əsərləri tarixdən əvvəlki dövrlərdən (10 min ildən 5,5 min il əvvələ qədər) başlayaraq daha sonrakı epoxalara qədər müxtəlif dövrlərə aiddir.

Mütəxəssislərin fikrincə, bu kəşf "Sinayda bir-birini əvəz edən sivilizasiyalar haqqında yeni məlumatlar" əldə etməyə imkan verir. Arxeoloqlar vurğulayırlar ki, Umm-İrak yaylası minilliklər boyu burada müxtəlif tarixi dövrlərdə yaşamış əhali üçün müşahidə, toplanma və istirahət yeri rolunu oynayıb.

Qədim Abidələr Ali Şurasının baş katibi Dr. Hişam Əl-Leythi, Umm İraq yaylasını son zamanlar kəşf edilmiş ən əhəmiyyətli qayaüstü sənət abidələrindən biri adlandırıb. Kəşfin əhəmiyyətini vurğulayaraq, sərgilənən petroqliflərin xronoloji və texniki zənginliyinin yaylanı unikal açıq hava muzeyinə çevirdiyini və tarixdən əvvəlki dövrlərdən İslam dövrünə qədər insan bədii və simvolik dilinin inkişafını əks etdirdiyini qeyd edib. Əl-Leythinin sözlərinə görə, bu, abidəyə xüsusi elmi dəyər verir.

Hüseyn İbadlı