Nəqliyyat

Yük qatarı maşinistsiz 80 km getdi, beş stansiyadan keçdi

27 Fevral 2024 12:31

Hindistan dəmir yolu səlahiyyətliləri yük qatarının maşinistsiz təxminən 80 km getməsi ilə bağlı insidenti araşdırır.

Publika.az xəbər verir ki, 53 vaqondan ibarət qatar Kathuadan hərəkət edib, saxlanılandan əvvəl isə sürəti saatda 100 km-ə çatıb.

Qatar Kathuada ekipaj dəyişikliyi üçün dayanıb. Rəsmi mənbələr "The Hindu"ya bildiriblər ki, səlahiyyətlilər bunu təsdiqləməsə də, maşinist enməzdən əvvəl qatarın əl əyləcini dayandırmağı unutmuş ola bilər. Sürücünün şəxsiyyəti müəyyən edilməyib.

“Press Trust of India”nın məlumatına görə, yük qatarı Pəncabın Hoşiarpur rayonunda dayanmazdan əvvəl beş stansiyadan keçib.

Hindistan Dəmir Yollarının rəsmisi nəşrə bildirib ki, “Dəmiryol işçisi relslərə taxta bloklar qoyduqdan sonra qatar dayandırılıb”.

Cəmilə