Dünyanın ən məşhur serialında Azərbaycana qarşı AÇIQ TƏHDİD: Görün nə etdilər... - VİDEO

ABŞ-ın FOX telekanalı tərəfindən yayımlanan və son illərin ən çox gözlənilən filmi “The cleaning lady” serialında Azərbaycana qarşı təxribat törədilib.

Publika.az">Publika.az xəbər verir ki, rejissorluğunu Marisol Adler, Milan Çevlv və Stevenn Depaulun etdiyi serialın ilk 10 bölümü 3 yanvar 2022-ci ildə yayımlanıb.

Serial mafia və bir qadının bu mafiaya açıq savaş açmasına həsr edilib. “The cleaning lady” əvvəllər Filippin həkimi olan təmizlikçi qadın, hazırda Las-Veqasda işləyən və yaşayan Toni De La Rozadan bəhs edən dramdır.

Maraqlı olan məqam isə serialın 3-cü bölümündə Azərbaycana qarşı açıq təhdid ifadə edən fikirlərin səslənməsidir. Sözügedən bölümdəki səhnələrdən biri açıq şəkildə Azərbaycana qarşı təhdid xarakterlidir.

Belə ki, səhnədə erməni lobbisinin ABŞ-dakı əsas təmsilçilərindən biri çıxış edərək oğluna səslənir. O, vətənin (Ermənistanın - red.) bölündüyünü və oğlunu Qarabağı Azərbaycandan almaq üçün erməni ordusuna göndərdiyini açıqlayır.

Qeyd edək ki, bu, FOX telekanalının ölkəmizə qarşı birinci qərəzli münasibəti deyil.