Nida.az
Alan Kasayev: “Qarabağdan sonra bölgədə yeni “kvazidövlət”lər yarana bilər”
“Bir parça torpaq üçün ermənilər çoxminli qurbanlara bais oldu
və Azərbaycan torpaqlarında “kvazidövlət” “DQR” yaradıldı. Onda heç
kim güman edə bilmirdi ki, 22 il keçəcək və yalnız erməni və
Azərbaycan ordusu arasında atəşkəsin əməl edilməsinə çalışılacaq,
münaqişə isə unudulmuş olaraq qalacaq”.
Publika.az xəbər verir ki, bu barədə tanınmış jurnalist Alan Kasayev deyib.
Qarabağ münaqişəsi ilə paralellik aparan Kasayev Ukraynanın
Şərqindəki böhranın da 20 il davam etməsi ehtimalını yüksək
qiymətləndirib.
“Əgər bu baş verəcəksə, təəccüblənmək olmaz. Çünki post-sovet
ölkələrinin inkişaf tarixində bu tamamilə dəqiq yaşanmış
nümunələrdir. Bu gün qondarma “DQR” kağız üzərində mövcuddur. Bu
“kvazimoda” tipli struktur atəşkəsin dayandırılması nəticəsində
peyda olub. Halbuki, BMT Təhlükəsizlik Şurasının qətnamələri var və
bu sənədlərdə yüzlərlə səhifə Azərbaycanın ərazi bütövlüyünü
dəstəkləyir. Münaqişənin həlli üçün müəyyən formatlar var.
Azərbaycan və Ermənistan olmaqla iki tərəfli, Rusiya qoşulursa,
üçtərəfli format olur, Qazaxıstan prezidenti Nursultan Nazarbayevin
vaxtında dördtərəfli format var idi. Burda Türkiyə və İranın da
vasitəçiliyi ilə əlavə formatlar da mövcuddur. Lakin münaqişə hələ
də həll edilməmiş qalır”, - deyə o bildirib.
A. Kasayev qeyd edib ki, qondarma “DQR” 20 ildən artıqdır ki,
mövcuddur. Onun sözlərinə görə, bu əndrabadi strukturun
mövcudluğunu əsaslandırmaq üçün müxtəlif nümunələr gətirilir:
“Münaqişənin ən dramatik anları bu ilin yayında oldu. Ehtimal
olunurdu ki, müharibə olacaq, lakin tərəflər buna getmədi. Buna
paralel olaraq Ukrayna münaqişəsi də davam edirdi. Buna görə də
dünya gücləri Qarabağda müharibəyə imkan verməzdilər”.
Onun fikrincə, hər şey SSRİ imperiyasının dağılmasından sonra baş verdi.
“Eyni ssenari Gürcüstanda da baş verdi. Lakin post-sovet məkanının
transformasiyası başa çatmayıb. Eyni ssenari Ukraynada da baş
verir. Güman ki, bu bölgədə yeni “kvazidövlət” peyda olacaq. Lakin
o da istisna olmur ki, Rusiya Federasiyasının öz ərazisi də buna
məruz qala bilər. Xoşbəxtlikdən, bu tendensiya görünmür, amma bu o
demək deyil ki, baş verə bilməz. Rusiya Qarabağda bəlkə də böyük
səhvini etdi. Məhz Qarabağdan sonra Moldova, Gürcüstan ssenarisi
oldu, indi də Ukrayna baş verir və bu bir gün Rusiyaya qarşı geri
dönə bilər. Moskva bunu anlamalıdır və lap əvvəldən, Qarabağdan
başlamalı, problemin həllinə çalışmalıdır”, - deyə A. Kasayev
vurğulayıb.
Asif Nərimanlı
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan