Almaniya səfiri: “İki ölkənin münasibətlərinə nikbin baxıram” - EKSKLÜZİV

- AŞPA-nın Azərbaycan üzrə həmməruzəçisi Kristof Ştrasserin Bakıda keçiriləcək “Evrovision” mahnı müsabiqəsinin boykot edilməsi ilə bağlı çağırışını Almaniyanın Azərbaycandakı səfirliyi necə qiymətləndirir?

- Almaniya səfirliyi Federal hökumətə aid olmayan Almaniya Bundestaqının millət vəkillərinin və siyasətçilərin bəyanatlarını şərh etmir.

- Hər iki ölkə mətbuatında gedən yazılar münasibətlərə mənfi təsir göstərə bilərmi?

- Mən nikbinəm ki, ölkələrimiz arasında tarixən inkişaf
etmiş və ənənəvi yaxşı münasibətlər indiki narazılıqlardan daha güclüdür.

- Avropa mətbuatında Azərbaycanla bağlı yazılan tənqidi yazıların iqtisadi məsələlərdən, konkret olaraq “Nabukko” layihəsindən qaynaqlandığı və Azərbaycana təzyiq məqsədi daşıdığı deyilir. Siz necə düşünürsünüz?

- Mən bu fikirlərə inanmıram. Mən enerji maraqları ilə Azərbaycan barədə bəyanatlar arasında heç bir əlaqə görmürəm.

- Almaniyanın Azərbaycanla bağlı siyasi prioritetləri hansılardır və Almaniya Azərbaycandakı demokratikləşmə prosesini necə qiymətləndirir.

-Almaniya Avropa Birliyinin Şərq Tərəfdaşlığı siyasətini dəstəkləyir. Azərbaycanla münasibətdə heç bir mövzu kənara qoyulmayacaq. Demokratiya, insan haqları və qanunun aliliyi Avropa Birliyinin ən böyük dəyərlərinə aiddir. Buna görə də bu dəyərlər Azərbaycanla siyasi dialoqda mühüm rol oynayır.

Ömər Əmirov

Publika.Az