Nida Təhlil
ABŞ-ın qonşumuza HÜCUM SSENARİLƏRİ: Azərbaycan torpaqlarını GÖZLƏYƏN TƏHLÜKƏ
Donald Tramp ABŞ prezidenti seçiləndən sonra anti-İran
siyasəti Ağ Ev üçün əsas prioritetə çevrildi. İndiki məqamda gərgin
atmosfer təkcə İrana yox, bütün bölgəyə də təsir edir, lakin bu
gərginliyin son nəticədə silahların qınından çıxmasına səbəb
olacağı da istisna deyil. Təbii ki, ABŞ-İran qarşıdurması bölgədə
əsas faktorlardan olan Azərbaycanı da maraqlandırır. Rəsmi Bakı
sülhdən yanadır, amma Trampın Obamanın “nüvə razılaşması”nı ləğv
etmək istəyi Vaşinqton-Tehran xəttində dönüşü olmayan proseslərə
yol açır. İranşünas mütəxəssis Serhan Afacanın araşdırmalarına
görə, rəsmi Tehran artıq ABŞ-ın mümkün hücumlarına qarşı müxtəlif
ssenarilər hazırlayır. İranın atacağı addımlar ABŞ-ın gələcək
siyasətindən asılı olacaq.
Publika.az həmin ssenariləri təqdim edir:
Mühasirə ssenarisi
1979-cu ildən indiyə kimi ABŞ-ın İran siyasətini müəyyənləşdirən üç
əsas variant var. Birinci: İran Yaxın Şərq və
Afrika başda olmaqla dünyada sabitliyi pozan, terrora dəstək verən
ölkədir. İkinci: bu ölkə nə olursa olsun, nüvə
silahına malik olmamalıdır. Üçüncü: Səudiyyə
Ərəbistan, İsrail, Misir və Türkiyə kimi ölkələrin yerləşdiyi
bölgədə İranın əhəmiyyətli yeri var. ABŞ üçüncü variant üzərindən
çıxış edərkən, İranı gah mühasirəyə alıb, gah da beynəlxalq
ictimaiyyətə inteqrasiyasına dəstək verib.
Obama ikinci variantı seçmişdi. Lakin Trampın Səudiyyə Ərəbistan və
İsrailin dəstəyi ilə mühasirə variantına üstünlük vercəyi görünür.
Hazırda İranın əsas şansı bu məsələ ilə bağlı ABŞ-la BMT
Təhlkükəsizlik Şurasının digər üzvlərinin – Rusiya, Çin, Fransa və
İngiltərə - həmçinin, Almaniyanın fikir ayrılığının olmasıdır. Bu
ölkələr nüvə anlaşmasını dəstəkləməklə, İranın nüvə silahına malik
olmasının qarşısını almaq variantını dəstəkləyir.
Lakin ABŞ-ın təktərəfli olsa da İrana təzyiq göstərəcəyi ehtimalı
böyükdür. Bu baxımdan, Trampın üç variantdan ya birini, ya da
ikisini eyni anda tətbiq edəcəyi mümkündür. Amerika ya nüvə
razılaşmasını tamamilə ləğv edə bilər, ya da İnqilab Keşişçiləri
Korpusunu, yaxud insan haqlarının tapdanmasını əsas götürərək, yeni
sanksiyalar tətbiq edə bilər. Bundan başqa, ABŞ bölgədəki
müttəfiqləri ilə İranı təkləmək siyasətini də izləyə bilər.
Nüvə anlaşmasının alternativi varmı?
Tramp İranın nüvə anlaşmasını pozduğunu desə də, beynəlxalq
ictimaiyyətə konkret faktlar təqdim edə bilmir. İran tərəfi isə
anlaşmadan çəkilməycəyini deyir və ABŞ-ı məsuliyyətsiz davranmaqda
ittiham edir. Bununla yanaşı, İran anlaşmanı yenidən müzakirə
etməyi də rədd edir və qeyd edir ki, anlaşma ləğv olunarsa, nüvə
silahı layihəsini davam etdirəcək.
Mümkündür ki, İran anlaşmanın tərəfi olan digər ölkələrin ABŞ-ın
istəyinə dəstək verməməsinə və Trampın mövqeyinin zəiflədilməsinə
çalışacaq. Bu məsələdə İranın əli güclüdür. Çünki, başda Paris
İqlim Anlaşması olmaqla bir sıra əhəmiyyətli beynəlxalq
razılaşmalardan çəkilən, yaxud çəkiləcəyini deyən Tramp
Administrasiyasını açıq şəkildə tənqid edən ölkələr İranla nüvə
anlaşmasının alternativi olmadığı fikrini müdafiə edirlər. Misal
üçün, Fransa prezidenti Emmanuel Makronun yaxın günlərdə İrana
səfər edəcəyi də Tehranın əlinin güclü olduğunu göstərir. Qeyd
etmək lazımdır ki, Makron 46 ildən sonra İrana səfər edən ən yüksək
səviyyəli ilk Fransa rəsmisi olacaq.
ABŞ İnqilab Keşişçiləri Korpusunu hədəf ala
bilərmi?
İran üçün İnqilab Keşişçiləri Korpusununun hədəfə alınması müharibə
səbəbidir. 2017-ci ilin avqustunda ABŞ Konqresi tərəfindən qəbul
edilən “Amerika düşmənləri ilə sanksiyalar yolu ilə mübarizə etmə”
haqqında qanun Rusiya, Şimali Koreya və İranı hədəfə aldı. Qanunda
İnqilab Keşişçiləri Korpusu haqda terroru dəstəkləməklə bağlı ağır
ittihmlar var idi. ABŞ Maliyyə Nazirliyi də 13224 saylı qərarnamə
ilə İnqilab Keşişçiləri Korpusunu sanksiya siyahısına daxil etdi.
Lakin ABŞ Dövlət Departamenti bu məsələdə hələlik praktiki addım
atmayıb. Belə bir addım ABŞ-ı İranla müharibə vəziyyətinə
gətirəcək.
İran da öz növbəsinddə manevrlər edir. Misal üçün, Konqresin məlum
qanunudan sonra İran parlamenti də “İnsan haqlarının pozulması və
ABŞ-ın bölgədəki macərapərəst və terror fəaliyyəti ilə mübarizə”
haqda qanun qəbul etdi. Yəni İran ona qarşı sərt addım atılacağı
təqdirdə cavab verəcək.
ABŞ-ın mümkün addımları
Tramp bu ilin may ayında Səudiyyə Ərəbistanı və İsrailə səfər etdi.
Hər iki ölkə anti-İran mövqeyi ilə tanınır. İranın Suriya və
İraqdakı nüfuzunun qarşısını almaq üçün ABŞ bölgədə PYD/YPG
gücündən istifadə edir. Mümkündür ki, Tramp İrana qarşı Şam və
Bağdadı yanına çəkmək gedişləri də etsin. Lakin xüsusilə Şam
rejiminin Vaşinqtona yaxınlaşmaq həvəsi yoxdur.
ABŞ üçün bölgədə ən vacib ölkə isə Türkiyədir. Tramp hesab edir ki,
Türkiyənin Rusiya və İrana yaxınlaşmasının səbəbi Obamanın
siyasətinin nəticəsidir, buna görə də vəziyyəti dəyişdirmək
istəyir. Amma FETÖ və PKK/PYD/YPG terror təşkilatlarına münasibəti
Ankaranın Vaşinqtona şübhə ilə yanaşmasına səbəb olur. Son dövrlər
isə viza böhranı iki ölkə arasındakı əlaqələri ciddi şəkildə
zədələdi.
Hazırda yaxınlaşan İran-Türkiyə münasibətləri fonunda ABŞ-ın
Türkiyəni yenidən qazanması çətin görünür.
İran nə edə bilər?
Sanksiyalar dövründə ciddi iqtisadi problemlərlə üz-üzə qalan İran
bunu bir daha yaşamamaq üçün nüvə anlaşmasının pozulmamasına
çalışacaq. Digər tərəfdən də Türkiyə kimi bölgə ölkələri ilə
yaxınlaşaraq, təklənmə təhlükəsinə qarşı önləyici addımlar
atacaq.
Asif
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu