Nida Təhlil
Paşinyandan sərhədlərlə bağlı GÖZLƏNİLMƏZ ADDIM: müharibə çıxaracaq PLAN
Ermənistan hökuməti Sərhəd Xidmətinə yeni əməkdaşların
qəbul edilməsi ilə bağlı elan verib. İrəvanda danışırlar ki, məqsəd
ölkənin sərhədləri üzərində nəzarəti erməni sərhədçilərinə
verməkdir. Xüsusilə söhbət Ermənistanın Türkiyə və İranla sərhədini
qoruyan rus hərbiçilərinin ölkədən çıxarılmasından gedir.
Publika.az xəbər verir ki, 1990-cı illərdə Ermənistan və
Rusiya arasında bağlanmış müqaviləyə əsasən Türkiyə və İran
sərhədini rus sərhədçilər qoruyur. Sonrakı dövrdə həmin bölgədəki
zastavalara ermənilər muzdlu əsgər kimi qəbul edilib, lakin ümumi
nəzarət rusların əlindədir.
Rusiyanın öz sərhədçilərini İran və Türkiyə sərhədinə
yerləşdirməkdə məqsədi Ermənistanda hərbi mövcudluğunu sürdürməklə
yanaşı, gələcək geosiyasi proseslərdə Ankara və Tehrana qarşı hücum
ehtimalında bu bölgədən platforma kimi istifadə etməkdir. Həmçinin,
indiki situasiyada forpostu olan Ermənistanın bu iki ölkəyə
açılışının dolayısı ilə qarşısını alır.
Hətta Rusiya sərhədçiləri nəzarət etdikləri ərazidə erməni
hökumətinin hər hansı iş görməsinə belə icazə vermirlər. Ötən ilin
dekabrında baş verən hadisə buna əyani nümunədir. Belə ki,
Ermənistanın İranla sərhədi yaxınlığındakı yolun tikintisi sərhədi
qoruyan Rusiya hərbiçilərinin tələbi ilə dayandırıldı. Ermənistan
mediası bu hadisəni “İranla sərhəd bölgəsinin Rusiya tərəfindən
alınması” kimi dəyərləndirmişdi. Erməni siyasi şərhçi Tevos
Arşakyan yazırdı ki, “Bu gün yolun təmirinə icazə vermirlər, sabah
başqa şeylərə qadağalar qoyulacaq, digər sərhəd ərazilər də zəbt
olunacaq. Daha sonra Ermənistan adlı dövlət xəritədən
silinəcək”.
Görünür, Qərbin dəstəyi ilə Ermənistanda hakimiyyətə gələn Nikol
Paşinyan Türkiyə və İran sərhədindəki rus sərhədçilərini erməni
sərhədçilərlə əvəzləmək niyyətindədir.
Burada geosiyasi proseslər də diqqət çəkir və belə ehtimal yaranır
ki, rus sərhədçilərin bu bölgədən çıxarılmasını Vaşinqton istəyir.
Çünki ABŞ-ın İrana hücum planında Ermənistanın sərhədləri yaxşı
platforma rolunu oynaya bilər. Lakin İrəvanın bu sərhədləri qoruya
biləcək potensialının az olmasını nəzərə alsaq, hesab etmək olar
ki, gələcəkdə rus sərhədçilərinin yerini amerikalı hərbiçilər tuta
bilər və onlar İrana qurudan hücumda əsas rol oyna bilər.
Moskva buna icazə verərmi?
Paşinyan Rusiya ilə münasibətləri davam etdirəcəyini israrla
bildirir, lakin onun real addımları bunun əksini göstərir. Bu
baxımdan, rus sərhədçilərinin çıxarılması Moskva üçün ciddi
siqnaldır. Birincisi, bu bölgə Rusiyaya gələcək strategiyası üçün
lazımdır, ikincisi, Moskva rus sərhədçilərinin çıxarılmasına göz
yumarsa, bu, digər rus bazalarının Ermənistandan çıxarılması üçün
presedent yarada bilər. Deməli, Moskva məsələni sakit
qarşılamayacaq. Proseslər rusların İrəvana müdaxiləsi ilə də
yekunlaşa bilər.
Asif
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan