Nida Xəbər
Azərbaycanla Kamboca arasında siyasi məsləhətləşmələr
Azərbaycan və Kamboca Xarici İşlər Nazirlikləri (XİN) arasında siyasi məsləhətləşmələr keçirilib.
XİN-dən Publika.az-a verilən məlumata görə, siyasi məsləhətləşmələrə Azərbaycan tərəfdən xarici işlər nazirinin müavini Xələf Xələfov, Kamboca tərəfdən isə Xarici İşlər və Beynəlxalq Əməkdaşlıq Nazirliyinin baş katibi Ouç Boritin rəhbərlik edib.
X.Xələfov Kamboca nümayəndə heyətini salamlayaraq bu səfərin Azərbaycan ilə Kamboca arasında siyasi dialoqun möhkəmlənməsi və işgüzar əlaqələrin genişlənməsi üçün faydalı olacağına, iki ölkə arasındakı əməkdaşlığın müxtəlif sahələr üzrə gələcək inkişafı üçün mühüm zəmin yaradacağına ümidvarlığını ifadə edib. O, ölkələrimiz arasında siyasi, iqtisadi, humanitar, kənd-təsərrüfatı, tibb, enerji və digər sahələrdə əməkdaşlıq üçün geniş imkanların olduğunu qeyd edərək, əlaqələrin müqavilə-hüquq bazasının inkişaf etdirilməsinin vacibliyini vurğulayıb.
Görüş əsnasında X.Xələfov qonağa Azərbaycanın təşəbbüsü və
iştirakı ilə həyata keçirilən irimiqyaslı nəqliyyat və enerji
layihələri layihələri haqqında məlumat verərək Şimal-Cənub və
Şərq-Qərb nəqliyyat marşrutlarının Cənub və Cənub-Şərqi Asiya
ölkələrinin Avropa bazarlarına çıxması üçün əlverişli imkanlar
yaratdığını nəzərə çatdırıb. Həmçinin, qeyri-neft sektorunun
inkişafı istiqamətində həyata keçirilən köklü islahatlar barədə
danışıb.
Ermənistanın Azərbaycana qarşı hərbi təcavüzü, ölkəmizin
ərazilərinin 20 faizinin Ermənistanın işğalı altında olduğunu deyən
nazir müavini münaqişənin regionda sülhə, sabitliyə və hərtərəfli
inkişafa başlıca təhdid olaraq qalmaqda davam etdiyini bildirib.
X.Xələfov Ermənistan-Azərbaycan Dağlıq Qarabağ münaqişəsinin həll
edilməsinə dair Azərbaycanın haqlı və ədalətli mövqeyini
dəstəklədiyinə görə Kamboca tərəfinə təşəkkürünü bildirib və
Kambocanın bu mövqeyinin davamlı şəkildə ifadə olunacağına
ümidvarlığını qeyd edib.
O.Borit Kambocanın Azərbaycan ilə bütün sahələrdə əməkdaşlığın
inkişaf etdirilməsində maraqlı olduğunu bildirib. O, fürsətdən
istifadə edərək Azərbaycan Hökumətinə Qoşulmama Hərəkatı Nazirlər
Konfransının yüksək səviyyədə təşkilinə görə təşəkkürünü bildirib.
O.Borit ölkəsinin Ermənistan-Azərbaycan Dağlıq Qarabağ münaqişəsi
üzrə BMT Təhlükəsizlik Şurasının müvafiq qətnamələrinin yerinə
yetirilməsinin tərəfdarı olduğunu bildirib və münaqişənin sülh yolu
ilə həllini dəstəklədiklərini deyib.
Yüksək səviyyəli dövlət rəsmilərinin səfər mübadiləsinin həyata
keçirilməsinin ikitərəfli münasibətlərin inkişafında önəmini
vurğulayan kambocalı diplomat ölkələrimiz arasında siyasi dialoqun
davam etdirilməsinin vacibliyini nəzərə çatdırıb. Həmçinin,
parlamentlər arasında əməkdaşlığın gələcək inkişafında Kambocanın
maraqlı olduğunu bildirib. O.Borit sovet dövründə kambocalı
tələbələrin ölkəmizdə təhsil almaları üçün yaradılmış imkanlara
görə Azərbaycana təşəkkürünü çatdırıb və iki ölkə arasında əhsil
sahəsində əməkdaşlığın davam etdirilməsi niyyətində olduqlarını
qeyd edib.
Enerji sahəsində Azərbaycanın zəngin təcrübəyə və yüksək ixtisaslı
peşəkarlara malik olduğunu deyən qonaq bu istiqamətdə ölkələrimiz
arasında müxtəlif mübadilə proqramlarının həyata keçirilməsinin
əhəmiyyətini qeyd edib.
Görüşdə həmçinin, beynəlxalq təşkilatlar çərçivəsində əməkdaşlıq,
iqtisadi-ticarət əlaqələrinin inkişaf etdirilməsi üçün
hökumətlərarası birgə komissiyanın yaradılması və siyasi
məsləhətləşmələrin davamlı əsasda aparılması məsələləri müzakirə
olunub.
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı