Nida Xəbər

Bu ölkə üzərindən... - Erməni lobbisinin Azərbaycana qarşı İYRƏNC PLANI

20 Dekabr 2018 11:09

Bir neçə gündür mediamızda belə bir xəbər yayılır ki, guya Amerika Bolqarıstan üzərindən Ermənistana silah ötürür. Bu xəbərin mənbəyi hansısa Rusiya saytıdır. Kim zəmanət verər ki, Rusiya saytının yaydığı xəbər həqiqətə uyğundur?

Publika.az xəbər verir ki, bu haqda feysbuk səhifəsində politoloq Elxan Şahinoğlu yazıb.

Onun sözlərinə görə, bunun dezinformasiya olması istisna deyil: “Bu xəbərlə Azərbaycanın həm ABŞ, həm də Bolqarıstanla arasını vurmaq istəyirlər. Bəli, həm Amerikada, həm də Bolqarıstanda erməni lobbisi var və onlar da Azərbaycanın ABŞ və Bolqarıstanla sıx münasibətlərindən narahatdırlar. Gələn il TAP boru xətti işə düşəcək. Azərbaycan Bolqarıstana qaz satacaq, bundan başqa, Azərbaycan Dövlət Neft Şirkəti Bolqarıstanın qazpaylaşdırıcı sisteminə sahib olmalıdır. Bilirsiniz, Azərbaycanın Bolqarıstandakı rəqibi kimdir? Bəli, Rusiya və bu ölkənin “Qazprom” şirkəti. Ona görə də Rusiyadan ötürülən (dez)informasilayalarda diqqətli olmalıyıq”.