Nida Xəbər

Sabir Rüstəmxanlı parlament seçkilərinə qatılacaq? - AÇIQLAMA

17 Dekabr 2019 14:41

“Vətəndaş Həmrəyliyi Partiyası Siyasi Şurası 9 fevral 2020-ci ildə keçiriləcək növbədənkənar parlament seçkilərinə qatılmaqla bağlı qərar verib”.

Bunu Publika.az-a açıqlamasında VHP-nin mətbuat katibi Samir Əsədli açıqlayıb.

Sözçü bildirib ki, artıq partiyanın maliyyə məsələləri üzrə səlahiyyətli nümayəndələri Mərkəzi Seçki Komissiyasında təsdiq olunub. Bu günə kimi respublikanın 42 seçki dairəsi üzrə namizəd irəli sürülüb. Hazırda proses gedir. Yekunlaşdıqdan sonra bütün namizədlərin adları açıqlanacaq. Neçə dairədən neçə namizədin olacağı prosesin yekunlaşmasından sonra bilinəcək”.

Samir Əsədli partiya sədri Sabir Rüstəmxanlının seçkilərdə iştirak edib-etməyəcəyi sualını isə belə cavablandırıb: “Yəqin ki, iştirak edəcək. Konkret olaraq özü bu barədə qərar verməlidir. Lakin partiya onun namizədliyini irəli sürməsini istəyir”.

Zümrüd