Nida Xəbər
Peskov Paşinyan ailəsinin qəzetindəki məqalə haqda: "Bu, başqa bir cəfəngiyyatdır"
Rusiya Prezidentinin mətbuat katibi Dmitri Peskov bu gün “Haykakan Jamanak” qəzetinin Moskvanın Ermənistanı Rusiya və Belarus ittifaq dövlətinə qoşulmağa məcbur etməsi ilə bağlı dərc olunan xəbərini təkzib edib.
Publika.az TASS-a istinadən xəbər verir ki, Dmitri Peskov Rusiyanın belə bir niyyətinin olub-olmaması ilə bağlı suala belə cavab verib: – "Yox, bu başqa bir cəfəngiyyatdır".
Qeyd edək ki, "Rusiya nə istəyir? Patriarx həzrətlərinin, üç prezidentin və ekspert icmasının məlumatı üçün" adlı məqalə bu gün "Haykakan Jamanak" qəzetinin saytında dərc olunub. Məqalədə deyilir:
“Rusiyanın bizim regiondakı istəkləri onun qlobal istəklər zəncirinə uyğun gəlir və Ermənistan və Qarabağ onun arzular zəncirinin həlqəsidir. Rusiya Ukraynadan istədiyini az qala Ermənistandan da istəyir. İstəyir ki, Ermənistan “Rusiya-Belarus” ittifaq dövlətinin və ya Rusiyanın bir hissəsi olsun. Və əgər Ukrayna məsələsində Rusiya Federasiyası belə bir nəticə üçün Rusiya və bəlkə də Belarus qoşunlarından istifadə edirsə, Ermənistanda isə Azərbaycanda və müəyyən qədər Ermənistanda yerləşən Rusiya qoşunlarından istifadə edir”.
Məqalə “Etibarlı Mənbə” tərəfindən imzalanıb.
Qeyd edək ki, "Haykakan Jamanak" qəzetinin baş redaktoru 1999-cu ilin yayından hazırda Ermənistanın Baş naziri Nikol Paşinyan olub. O, 2008-ci ilin martına qədər bu vəzifədə qalıb, bundan sonra həyat yoldaşı Anna Akopyan nəşrin baş redaktor təyin olunub. Hazırda da qəzetin baş redaktoru Anna Akopyandır.
"Haykakan Jamanak" Ermənistan cəmiyyətində "Paşinyan ailəsinin qəzeti" adlandırılır.
Səxavət
-
ABŞ08:24
"The Washington Post"un baş redaktoru İSTEFA VERDİ
-
Səhiyyə07:30
Xərçəngi aşkarlayan süni intellekt yaradıldı
-
Ekologiya07:17
Bu gün hava necə olacaq? - PROQNOZ
-
Dünya04:44
ABŞ super donuzlar tərəfindən İŞĞAL EDİLƏ BİLƏR
-
Magazin104:14
Aygün Kazımova final matçında şou göstərdi - VİDEO
-
Nəqliyyat02:12
Bazar günləri parklanma ilə bağlı qanunsuz ödənişlər alınır? - VİDEO
-
Dünya01:41
Dəhşətli AİLƏ FACİƏSİ: arvadını və yeddi qohumunu baltaladı, özü isə...
-
Sosial01:11
Çingiz Qənizadəyə ağır itki üz verdi