Nida Xəbər

Orban ittihamlara cavab verdi: "Futbol siyasət deyil"

22 Noyabr 2022 19:00

Macarıstanın Baş naziri Viktor Orban Ukraynanın "Böyük Macarıstan" obrazı ilə şərfdə görünməsi ilə bağlı narazılığına cavab olaraq futbolu siyasətə qarışdırmamağa çağırıb.

Publika.az xəbər verir ki, o, bu barədə sosial şəbəkələrdə yazıb.

"Futbol siyasət deyil. Onda olmayanı görməyəcəyik. Macarıstan millisi harada yaşamasından asılı olmayaraq, hər bir macarın komandasıdır!", - deyə Orban yazıb.

Qeyd edək ki, Orban noyabrın 20-də bu ölkənin milli komandasının Yunanıstana qarşı keçirdiyi futbol oyununda ölkənin 1920-ci ildən əvvəl Macarıstanın sərhədləri daxilində dövlət bayrağının rənglərində olan şərfdə meydana çıxıb. İndi Rumıniya, Xorvatiya, Slovakiya, Serbiya, Avstriya və Ukraynanın bir hissəsi olan ərazilər həmin vaxt Macarıstanın tərkibində idi.

Ukrayna Xarici İşlər Nazirliyi bununla bağlı Macarıstanın Kiyevdəki səfirinə zəng edəcəklərini bildirib.

Ukrayna və Macarıstan arasında münasibətlərdə gərginlik bir neçə il əvvəl azlıqların dillərində təhsil imkanlarını əhəmiyyətli dərəcədə azaldan Ukraynanın təhsil haqqında qanunu ilə bağlı müzakirələr fonunda yaranıb. Qanun 2017-ci il sentyabrın 28-dən qüvvəyə minib.

Səxavət