Kudrinin yeni iş yeri məlum oldu

Rusiya Hesablama Palatasının keçmiş rəhbəri Aleksey Kudrin “Yandeks”in korporativ inkişaf üzrə məsləhətçi olmaq təklifini qəbul etdiyini bildirib.

Publika.az xəbər verir ki, o, bu barədə özünün “Telegram-kanal”ında bildirib.

O, yeni postda əsas vəzifəsinin kompaniyanın unikal idarəetmə və texnoloji mədəniyyətini qoruyub saxlamaq olacağını bildirib. A.Kudrin qeyd edib ki, o, müstəqil qalmalıdır.

“Menecmentlə birlikdə yeni holdinqin korporativ strukturunu inkişaf etdirəcəm ki, bu da şirkətin bütün bazarlarda, o cümlədən beynəlxalq bazarlarda uzunmüddətli və dayanıqlı inkişafını təmin edəcək”, - deyə Kudrin yazıb.

Qeyd edək ki, Aleksey Kudrin noyabrın 29-da Rusiya Hesablama Palatasının sədri vəzifəsindən istefa verdiyini açıqlayıb. Ertəsi gün Federasiya Şurası onun istefasını təsdiqləyib.

Xatırladaq ki, onun “Yandeks”ə işə gedəcəyi barədə daha əvvəl mətbuatda məlumat yayılmışdı. Xüsusilə, “The Bell” “Yandeks”i idarə etmək üçün cənab Kudrin və üç top menecerin daxil olacağı fondun yaradılacağını bildirmişdi.

Səxavət