Əkrəm İmamoğlu gizli görüş keçirdi: Canan dəli oldu

Türkiyədə keçirilən seçkinin ardından CHP-də gərginləşən vəziyyət hələ də mülayimləşməyib. Belə ki, dəyişikliklərlə bağlı müzakirələr qızışıb. İBB prezidenti Əkrəm İmamoğlu ilə Kamal Kılıçdaroğlu arasında kreslo savaşı bitmək bilmir.

Publika.az “Sabah”-a istinadən xəbər verir ki, sədr olmaq istəyən İmamoğlu 18 rayonun rəhbəri ilə gizli görüş keçirib. Bunu eşidən CHP vilayət sədri Canan Kaftancıoğlu rəhbərləri görüşə dəvət edib. Onun dəvətinə gəlməyən şəxslər isə işdən çıxarılıb. Görüşü rayon rəhbərlərinin istədiyi iddiası da ortaya atılıb. Lakin bu gizli görüş Canan Kaftancıoğlunu bərk əsəbiləşdirib.

O iki gün sonra Kadıköydə Əkrəm İmamoğlu ilə görüşən şəxsləri bir araya toplayıb. Ancaq CHP Beykoz İlçe rəhbəri Aydın Düzgün həmin toplantıya qatılmayıb. Seyhan Avşarın iddiasına görə, İmamoğlu ilə görüşən, lakin Kaftancıoğlu ilə görüşə getməyən A.Düzgün Kadıköydəki görüşdən günlər sonra işdən çıxarılıb. Kaftancıoğluna yaxın bir şəxs, "3 ildir ki, Düzgünlə bağlı şikayətlər var. İki rayon sədr müavininin şikayəti var. İclas keçirilib və onun işdən çıxarılmasına qərar verilib" deyib. Aydın Düzgün bu iddiaları rədd edib.

Nəzrin