Nida Xəbər

Mən İsrail tanıyıram ki? - Ramiz Mehdiyevdən açıqlama

4 Mart 2024 11:22

Bu gün Prezident Administrasiyasının sabiq rəhbəri, Azərbaycan Milli Elmlər Akademiyasının keçmiş prezidenti Ramiz Mehdiyevin vəziyyətinin ağırlaşdığı və İsrailə aparıldığı barədə məlumat yayılıb.

Publika.az xəbər verir ki, Ramiz Mehdiyev "Unikal.az"a açıqlamasında yayılan məlumatların yalan olduğunu bildirib.

“Mənim səhhətimdə heç bir problem yoxdur. “Check-up” müayinə üçün Mərkəzi Klinik Xəstəxanaya getmişdim. Bu da ildə bir ya iki dəfə baş verən bir haldır.

Başqa heç bir yerə getməmişəm. Məgər, mən İsrail tanıyıram ki? Hazırda Bakıdayam. Sağlıq olsun”, - deyə o qeyd edib.

Qeyd edək ki, "Gununsesi.info" saytı Ramiz Mehdiyevin səhhətində ciddi problemin yarandığını və onun müalicə üçün İsrailə aparıldığını yaymışdı.