Nida Xəbər
Ermənistanın bu cinayətləri ABŞ tərəfindən tam sükutla qarşılanıb
ABŞ dövlət katibinin demokratiya, insan haqları və əmək məsələləri üzrə köməkçisi Dafna Randın Varşava İnsan Ölçüsü Konfransında ABŞ tərəfinin “Dağlıq Qarabağda beynəlxalq humanitar hüququn və insan hüquqlarının iddia edilən pozuntularını nəzərdən keçirməkdə davam etdiyi” barədə fikirlərinin əks olunduğu 1 oktyabr tarixli bəyanatı təəccüb doğurur.
Publika.az xəbər verir ki, bu fikir Xarici İşlər Nazirliyinin mətbuat katibi Ayxan Hacızadənin ABŞ dövlət katibinin demokratiya, insan haqları və əmək məsələləri üzrə köməkçisinin 1 oktyabr tarixində Varşava İnsan Ölçüsü Konfransındakı bəyanatına dair şərhində yer alıb.
"Maraqlıdır ki, Azərbaycan ərazilərinin hərbi işğalı zamanı Ermənistan tərəfindən törədilmiş bəşəriyyətə qarşı irimiqyaslı cinayətlər və azərbaycanlılara qarşı qırğınlara baxmayaraq, ABŞ tərəfi beynəlxalq humanitar hüququn pozulması hallarının aradan qaldırılmasının vacibliyinə yalnız indi istinad edir. 30 ilə yaxın müddətdə Ermənistanın bu cinayətləri ABŞ tərəfindən tam sükutla qarşılanıb.
Əgər ABŞ tərəfi qərəzsizlik və ədalətli mövqe nümayiş etdirmək istəyirsə, ilk növbədə Ermənistanın indiyədək törətdiyi çoxsaylı cinayətlərin araşdırılmasını, günahkarların qanun qarşısında cavab verməsini tələb etməlidir.
Əks halda, bu, beynəlxalq ictimaiyyəti çaşdırmaq, Ermənistanın təcüvüzü zamanı yüz minlərlə azərbaycanlının əsas insan hüquq və azadlıqlarının kobud şəkildə pozulmasından diqqət yayındırmaq məqsədi güdən erməni təbliğatı nəticəsində verilən birtərəfli bəyanatdan başqa bir şey deyil", - A.Hacızadə qeyd edib.
-
Qoroskop00:10
Bu bürcləri maddi artım gözləyir
-
Yaxın Şərq1 Oktyabr 21:20
İran İsrailə zərbələr endirir - YENİLƏNDİ - VİDEO
-
Region1 Oktyabr 20:00
İranın birinci vitse-prezidenti Ermənistanda Paşinyanla görüşdü
-
Digər1 Oktyabr 19:39
Neft və qızıl BAHALAŞDI
-
Nəqliyyat1 Oktyabr 18:46
Bu yollarda tıxac var
-
Ekologiya1 Oktyabr 18:40
Leysan, şimşək... - Faktiki hava
-
Dünya1 Oktyabr 18:00
Ərdoğandan BMT-yə çağırış: Güc tətbiq olunmalıdır
-
Rəsmi xronika1 Oktyabr 17:02
İlham Əliyev fərman imzaladı