Moskva bir daha bəyan etdi: 2025-ci ildə Bakı ilə İrəvan arasında...

Rusiya Bakı və İrəvan arasında 2025-ci ildə çoxdan gözlənilən sülhün bərqərar olması üçün mümkün olan hər şeyi etməyə hazırdır.

Publika.az xəbər verir ki, bu, Rusiyanın Ermənistandakı səfiri səfiri Sergey Kopırkinin Yeni il təbrikində deyilir.

“Rusiya Cənubi Qafqazda sabitliyin və təhlükəsizliyin möhkəmləndirilməsi istiqamətində səylərinin bir hissəsi olaraq Ermənistan və Azərbaycan arasında münasibətlərin normallaşmasına kömək etməkdə davam edir. Bu prosesin irəliləməsinə mühüm töhfə oktyabrın sonunda Kazanda keçirilən BRİKS sammiti çərçivəsində Ermənistan-Azərbaycan yüksək səviyyəli danışıqları oldu. Yeni ildə də mümkün olan hər şeyi etməyə hazırıq”, - Rusiya səfiri bildirib.

Bu sənəd, onun fikrincə, Rusiya, Ermənistan və Azərbaycan liderləri arasında regionda nəqliyyat kommunikasiyalarının açılmasına dair razılaşmaların həyata keçirilməsinə imkan verəcək.

Rusiya-Ermənistan münasibətlərinə gəlincə, o bildirib ki, ötən il çağırışlara və çətinliklərə baxmayaraq, Moskva və İrəvan müttəfiqlik və strateji tərəfdaşlıq münasibətlərinin güc sınağından çıxması üçün ardıcıl çalışıblar.

Kopırkin xüsusilə, ölkələrin siyasi dialoqa yüksək səviyyədə dəstək verdiyinə diqqət çəkib. Parlamentlər, icra və məhkəmə hakimiyyətləri arasında ikitərəfli əlaqələr davam etdirilib. Rusiya-Ermənistan hökumətlərarası komissiyasının dekabrın ortalarında Moskvada keçirilən iclasında bir sıra mühüm sazişlər imzalanıb.

“Biz bu il iki dəfədən çox artmış ticarət-iqtisadi göstəricilərdən razı qaldıq, Rusiya Ermənistan üçün əsas xarici ticarət tərəfdaşı və investor olaraq qalır - bu, sıx çoxşaxəli qarşılıqlı fəaliyyətin məntiqi davamı, eləcə də Avrasiya iqtisadi inteqrasiyasının nəticəsidir. ”, - səfir qeyd edib.

Tural