Aİ missiyası Ermənistanda nə vaxta qədər qalacaq? - Mirzoyan AÇIQLADI

Ermənistana Avropa İttifaqından Azərbaycanla sərhəddə delimitasiya prosesi tam başa çatana qədər monitorinqi davam etdirəcək mülki missiya lazımdır.

Publika.az xəbər verir ki, bunu Ermənistanın xarici işlər naziri Ararat Mirzoyan deyib.

Onun sözlərinə görə, İrəvan əmindir ki, Ermənistanla Azərbaycan arasında bölünməz sərhəd olduqca, Aİ missiyası Ermənistan üçün mühüm və zəruridir.

Baş nazir Nikol Paşinyan “Armenpress”ə müsahibəsində bildirib ki, İrəvan sülh sazişi layihəsinin razılaşdırılmamış iki bəndi ilə bağlı Bakıya təkliflər göndərib. Siyasətçinin sözlərinə görə, Ermənistan və Azərbaycan sərhədlərinin delimitasiyası komissiyalarının növbəti iclası 2025-ci ilin yanvarında baş tutacaq.

Qeyd edək ki, dekabrın 4-də Paşinyan bildirib ki, İrəvan və Bakı sülh sazişinin 90%-ni razılaşdırıblar, son detallar qalıb.

Xatırladaq ki, bundan əvvəl bildirilmişdi ki, Ermənistan delimitasiyadan sonra Ermənistan-Azərbaycan sərhədində üçüncü dövlətlərin qüvvələrini yerləşdirməməyə hazırdır.

Adəm Abbaslı