Nazirlik beynəlxalq müstəvidə əməkdaşlığı genişləndirir - Kəmaləddin Heydərov

“Prezident İlham Əliyevin Sərəncamı ilə 2005-ci ildə yaradılan Fövqəladə Hallar Nazirliyi hadisələrə çevik reaksiya verir”.

Publika.az xəbər verir ki, bunu fövqəladə hallar naziri Kəmaləddin Heydərov dekabrın 3-də Bakıda keçirilən Yanğınsöndürənlərin və Xilasedicilərin Beynəlxalq İdman Federasiyasına üzv ölkələrin yanğın-xilasetmə xidmətləri rəhbərlərinin XXVI beynəlxalq konfransının açılışında çıxışı zamanı deyib.

O qeyd edib ki, Fövqəladə Hallar Nazirliyi xarici tərəfdaş qurumlarla qarşılıqlı tərəfdaşlığın genişlənməsinə böyük önəm verir:

"Azərbaycanda son illər sənaye və infrastruktur şəbəkəsinin yaradılması fövqəladə hallardan qorunma məsələsini də diqqətdə saxlayır. Fövqəladə Hallar Nazirliyi beynəlxalq müstəvidə əməkdaşlığı genişləndirir. 2011-2023 Türkiyə, 2012-ci ildə İranda baş verən zəlzələlərdə nazirlyin gördüyü işləri buna nümunə göstərmək olar.

Bu tədbirin də ölkəmizdə keçirilməsi bizim üçün böyük əhəmiyyət kəsb edir. Biz bu tədbirdə beynəlxalq əməkdaşlığın genişləndirilməsi istiqamətimdə mühüm addım hesab edirik”.

Roza Şəfiyeva