• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Çin Rusiya və ABŞ-ı geridə qoyub BİR İLKƏ imza atdı - FOTO

Çin Rusiya və ABŞ-ı geridə qoyub BİR İLKƏ imza atdı

Çin dünya tarixində ilkə imza atıb.

Publika.az xəbər verir ki, "Çanye 4" adlı kosmos gəmisi Bakı vaxtilə 09:00-da Ayın qaranlıq səthinə eniş edib.

Kosmik gəmi Ayın cənub qütbündəki Aitkən hövzəsini analiz etmək üçün “qaranlıq tərəf” adlandırılan bölgəyə uğurla enib. Ayın ən böyük, ən qədim və ən dərin krateri olan Aitkən hövzəsi bu günə qədər bir çox sirri özündə saxlayır. Bu hövzə Ayın əmələ gəlməsindən bir müddət sonra kəskin toqquşma nəticəsində yaranıb və Ayın daxilindəki maddələr bu kraterdə üzə çıxıb.

Bu günə qədər kosmik gəmilər Ayın qaranlıq tərəfinin fotosunu çəksə də, heç bir gəmi buraya eniş etməyib. İlk addımı uğurla gerçəkləşdirən Çin kosmos sahəsində ABŞ və Rusiya ilə rəqabətdə önəmli bir addım atmış oldu.

“Çanye 4” Ayın səthi ilə bağlı detallı ölçüləri və mineral birləşmələri tədqiq edəcək.

Qeyd edək ki, Ayın öz ətrafında və Yer ətrafında fırlanma müddəti eyni olduğu üçün Yer kürəsindən hər zaman Ayın eyni tərəfi görünür. Yerin peykinin üzərinə yerləşdiriləcək teleskop Yerdən qaynaqlanan radio dalğalardan uzaqlaşdırıldığı üçün Günəşdən və kosmosun dərinliklərindəki elektromaqnetik dalğalara qarşı həssas olacaq.

Zümrüd

Загрузка...

Xəbər lenti

DAHA ÇOX XƏBƏR